កាលពីថ្ងៃទី១១ ខែមេសាកន្លងទៅនេះ លោកវណ្ណដាបានធ្វើការបង្ហោះនូវវិដេអូ Highlight ខ្លីមួយទាក់ទងនឹងកម្មវិធី The Rapper Cambodia ដែលនឹងមានក្នុងប្រទេសកម្ពុជាឆាប់ៗនេះនៅលើហ្វេសប៊ុកផេករបស់លោក។ គួរបញ្ជាក់ផងដែរថាកម្មវិធី The Rapper Cambodia នេះ មានប្រភពកំណើតពីប្រទេសថៃដំបូងគេបង្អស់ រួចបន្ទាប់មកក៏ត្រូវបានប្រទេសវៀតណាមទិញសិទ្ធិផលិតកម្មវិធីនេះបន្ត ហើយបច្ចុប្បន្ននេះកំពុងតែទទួលបានការគាំទ្រយ៉ាងខ្លាំងក្លាពីប្រទេសទាំងពីរទៀតផង។ យ៉ាងណាមិញផងដែរគួររំលឹកផងថា មានកំពូល Rapper ល្បីៗជាច្រើនដែលមានចំនុចចាប់់ផ្តើមចេញពីកម្មវិធីមួយនេះ ដូចជា Milli, Tlinh, Autta, Diamond MQT, NameMT, MaiyaRap និងSaran ជាដើម។ នៅលើគណនីហ្វេសប៊ុកផ្លូវការរបស់លោកវណ្ណដាផងដែរ ក៏បានធ្វើការចែករំលែកបន្តនូវវិដេអូមួយនេះព្រមជាមួយនឹងខេបសិនថា«ប្រជាជនខ្ញុំជោគជ័យ ទើបខ្ញុំជោគជ័យ COME ON, BE A NEXT RAPSTAR»។ ដោយសង្កេតផងដែរថានៅក្នុងវិដេអូមួយនោះ លោកវណ្ណដា និងលោក Juvie Lin បានប្រកាសស្វែងរកអនាគតកំពូលរ៉េបផ័រនៅក្នុងប្រទេសកម្ពុជាដោយលក្ខខណ្ឌនៃការប្រលងគឺអាចរ៉េបបទខ្មែរពេញនិយមទៅតាមការច្នៃប្រឌិតពេលកំពុងប្រលង និងមានរង្វាន់សំរាប់ជ័យលាភីរហូតទៅដល់ទឹកប្រាក់១ម៉ឺនដុល្លា។ តើទស្សនិកជនបានត្រៀមខ្លួនរួចហើយរឺនៅសំរាប់កម្មវិធីដ៏ពិសេសមួយនេះ? ទស្សនិកជនក៏អាចចូលទៅតាមដានព័ត៌មានបន្ថែមនៅលើហ្វេសប៊ុកផេក The Rapper Cambodia បានផងដែរ។