We love concerts, Vannda loves concerts as much as we do! ក្រោយពីការបញ្ចប់បេសកកម្ម Skull Tour ទាំង៤ខេត្តរួចមក ឥឡូវនេះ លោកវណ្ណដាវិញត្រឡប់ជាថ្មីសម្រាប់ការប្រគំុតន្រ្តីទេសចរណ៍ដ៏ធំដំបូងគេបំផុតនៅទីក្រុងភ្នំពេញនៅឯ The Premier Center Sensok នាយប់ថ្ងៃសៅរ៍ទី១៧ ខែកញ្ញានេះ។ ឃើញថាថ្វីត្បិតតែដំណើរបេសកកម្មការងាររបស់លោកវណ្ណដាគឺមានភាពមមាញឹកបន្តិចមែនសំរាប់រដូវកាលនេះ តែទន្ទឹមនឹងនោះលោកក៏បានបំពេញបេសកកម្មដ៏ធំមួយគឺបានរឹតចំណងអ្នកគាំទ្រតាមតំបន់នីមួយៗជាមួយនឹងគ្នា និងធ្វើអោយគ្រប់គ្នាបានស្គាល់ឥទ្ធិពលនៃតន្រ្តីកាន់តែច្បាស់។ សំរាប់សិល្បករខ្មែរដែលនឹងមានការចូលរួមសម្តែងនោះមានដូចជា Sophia Kao,Polarix,Vantha និង LacimaCartel។

ចំនែកឯសិល្បករក្រៅស្រុកវិញមានតារារ៉េបនៃប្រទេសថៃ៤រូបមកកពីផលិតកម្ម HypeTrain ដែលពួកគេក៏ធ្លាប់បានរួមសហការជាមួយលោកវណ្ណដាផងដែរនៅលើបទចម្រៀង Run the town និង Young Man។ ពួកគេទាំង៤រូបរួមមានលោក OGBobby, Sprite, Guygeegee, និង Eskiimo។ នេះក៏ជាលើកដំបូងហើយសំរាប់សិល្បករនៃផលិតកម្ម HypeTrain មកសម្តែងនៅក្នុងការប្រគុំតន្រ្តីនៃប្រទេសកម្ពុជា។