ពេញលេញហើយធីមយើង! Top Rapperកម្ពុជា2រូបរួមដៃជាមួយTop Rapperថៃ2រូបល្មមធ្វើអោយកក្រើកផ្អើលឆាកពិធីមង្គលការត្រកូលអភិជនស្រុកខ្មែរ!
ផ្ទុះកក្រើកបណ្តាញសង្គមសាជាថ្មីបន្ទាប់ពីផេក Memory បានចែករំលែកពិធីមង្គលការគូស្នេហ៍ត្រកូលអភិជនមួយខ្សែទៀត មានឈ្មោះថា RICHIE និង JADE ដែលសានេះមានសោភ័ណភាពហាក់ដូចជាក្នុងរឿងនិទានពិតៗយ៉ាងប្លែកភ្នែកម្យ៉ាងពីលើកមុនដែលចាប់ភ្នែកបានថាជាពិធីមង្គលការបែបខ្មែរបុរាណដ៏ឧត្តុង្គឧត្តម។
ដោយការបង្ហោះឡើងត្រូវបានធ្វើឡើងចប់ពីមួយវគ្គចូលមួយវគ្គភ្លាមៗតែម្តងទៅតាមកម្មវិធីនីមួយៗនៃទំនៀមទំលាប់ប្រពៃណីរបស់ខ្មែរយើង។ ហើយអ្វីដែលធ្វើអោយគ្រប់គ្នាកាន់តែរំជើបរំជួលចិត្តកាលពីយប់មិញទៀតនោះគឺនៅពេលដែលផេក Memory បានចែករំលែកនូវកម្មវិធីសម្តែងនាពេលយប់របស់សិល្បករអញ្ជើញចូលរួមផ្តល់ការសម្តែងយ៉ាងវិសេសវិសាល។
ដោយរូបភាពចែករំលែកបានបង្ហាញឡើងនូវ Top Star របស់កម្ពុជាបានមានវត្តមាននៅក្នុងកម្មវិធីនោះផ្ទាល់តែម្តង ដែលនោះគឺគ្មាននរណាក្រៅពីលោកវណ្ណដានោះឯង ហើយលោកក៏មិនបានចូលរួមត្រឹមតែម្នាក់ឯងដែរ ក៏នៅមានលោកវណ្ណថានដែលមកចូលរួមបកស្រាយបទ«កំលោះស្រុកខ្មែរ»ជាមួយគ្នា។
ខណៈដែលរូបភាពមួយសន្លឹកទៀតបានបង្ហាញរូបលោកវណ្ណដាសម្តែងរួមគ្នាជាមួយ នឹង Top Star ថៃពីរនាក់ទៀតនៅលើឆាកតន្រ្តីយ៉ាងគួរអោយភ្ញាក់ផ្អើលតែម្តង ដែលពួកគេគឺជាលោក OG Bobby និង លោក Sprite។
គួរបញ្ជាក់ផងដែរថាបន្ទាប់ពីការសម្តែងរបស់ពួកគេរួចរាល់ អ្នកទាំង4ក៏បានចែករំលែករូបភាពក្រៅផ្លូវការរួមគ្នាមួយចំនួនផងដែរ និងកាន់តែគួរអោយចាប់អារម្មណ៍ថែមទៀតនោះ ក្នុងនោះក៏មានរូបរបស់សមាជិកក្រុមបារមីផ្សេងៗទៀតផងដែរដូចជាលោក Mrr Peter លោក Mesa និងManagerរបស់ក្រុមបារមីផ្ទាល់។ តើទស្សនិកជនយល់យ៉ាងណាចំពោះការចូលរួមរបស់ក្រុមបារមី និងតារារ៉េបថៃនៅក្នុងពិធីមង្គលការនេះ?