You are messing with the wrong man! មហាជនពិតជាមានការភ្ញាក់ផ្អើលដែលលោកវណ្ណដាសុខៗក៏ទំលាក់គ្រាប់បែក Diss Track មួយយ៉ាងធំ ដែលធ្វើអោយពួកគេមានការងឿងឆ្ងល់ជាខ្លាំងហេតុអ្វីម្តងនេះលោកវណ្ណដាយករឿងផ្ទាល់ខ្លួនមកលាយឡំនឹងរឿងការងារ ដែលមិនធ្លាប់ឃើញលោកបង្ហាញបែបនេះពីមុនមក។ យ៉ាងណាមិញផងដែរ Drama នៅតែបានដើរទៅមុខទៀត នៅពេលដែលលោកវណ្ណដាបានលាតត្រដាងឡើងការពិតមួយនៅលើ Story គណនី​​​Instagram របស់លោកថាមូលហេតុដែលលោកចេញបទចំរៀង​​​JO2 នេះក៏ព្រោះតែមានចោរក្នុងក្រុមធ្វើអោយបែកធ្លាយបទចំរៀងរបស់លោក ទើបលោកតែងតបញ្ចប់ជូនពួកគេតាមសំណូមពរ។ 

នេះអាចនិយាយបានថាជាលើកទី១ហើយដែលោកវណ្ណដាដោះស្រាយការងារដោយប្រើអារម្មណ៍ផ្ទាល់ខ្លួន ដែលបញ្ជាក់អោយឃើញថាលោកវណ្ណដាពិតជាខកចិត្ត និងមានការឈឺចាប់យ៉ាងខ្លាំង និងចង់សងសឹងពួកគេវិញតាមវិធីរបស់លោក។យ៉ាងណាមិញផងដែរបន្ទាប់ពីបទ ”JO2” ត្រូវបានចេញរួច ក៏ចាប់ផ្តើមមានការបែកធ្លាយបទចំរៀង ”JO2” Original Version ជាលក្ខណៈសាធារណៈនៅតាមបណ្តាផេកនានានៅលើបណ្តាញសង្គម។ សង្កេតឃើញថាបទចំរៀងJO2ដែលត្រូវបានកែសំរួលហើយនេះ មានបន្ថែមទៅលើចង្វាក់ភ្លេងខ្លះៗនេះបទចំរៀងដើម រួមទាំងទំនុកច្រៀងមួយចំនួនផងដែរ។

 ជាក់ស្តែងនៅវគ្គទី២នៃបទចំរៀង លោកវណ្ណដាបាននិពន្ធចំរៀងតរៀបរាប់ប្រាប់ពីដំណើរនៃការលួចបទចំរៀងរបស់លោកតែម្តង រួមទាំងគូវិវាទរបស់លោកនៅក្នុងរង្វង់សិល្បៈហ៊ីបហប់ផងដែរ។ ម្យ៉ាងវិញទៀតផងដែរក៏ចាប់អារម្មណ៍ឃើញថានៅបទចំរៀងដើមលោកវណ្ណដាមិនមានបំណង Diss អោយនរណាម្នាក់ឡើយ ប៉ុន្តែកំហឹងបានប្រែលោកវណ្ណដាអោយបញ្ចេញក្រចកនៅពេលសត្វពស់តែងតែលបខាំលោកជារឿយៗ។ ទោះជាយ៉ាងណាក៏ដោយក៏មានមនុស្សដទៃទៀតមានគំនិតផ្សេងៗគ្នាថាលោកវណ្ណដាមានបំណង Diss អោយលោកជីដេវីតតាំងពីបទចំរៀងដើមមកម្ល៉េះ ពីព្រោះបានវាយប្រហារដល់សិល្បករRapperដទៃទៀតនៅក្នុងប្រទេស ដែលក្នុងនោះក៏មានកំពូលRapperជីដេវីតម្នាក់ដែរ និងមួយវិញទៀតក៏និយាយដល់វិធីសាស្រ្តធ្វើទីផ្សារជាការចែកហ្វ្រី ដោយលោកជីដេវីតក៏តែងតែចែកនេះចែកនោះដល់អ្នកគាំទ្ររបស់លោកដែលគ្មានលទ្ធភាព។ ចុះទស្សនិកជនទាំងអស់គ្នាយល់ឃើញយ៉ាងណាដែរ? Let me know in the comment below!