កាលពីថ្ងៃទី១៤ ខែកុម្ភៈកន្លងទៅនេះ លោកវណ្ណដាបានធ្វើការបង្ហោះនូវវិដេអូLive Performance បទចម្រៀង «ជំពូក១» របស់លោកនៅលើកម្មវិធីបណ្តាញសង្គមផ្សេងៗដើម្បីទុកជាកាដូអបអរនៅក្នុងថ្ងៃវ៉ាលែនថាញ។ មហាជនជាច្រើនចាប់អារម្មណ៍ឃើញថាការច្រៀងផ្ទាល់របស់លោកវណ្ណដាពិតជាពិរោះមិនខុសពីក្នុង Track ចម្រៀងនោះទេ និងម្យ៉ាងវិញទៀតអ្នកគាំទ្រកត់សម្គាល់ឃើញថានៅលើបទ Live Performance នេះលោកវណ្ណដាបានកែប្រែចង្វាក់ភ្លេងមកជាចង្វាក់ Drill ថែមទៀតដែលកាន់តែពិរោះប្លែកមួយបែបពីបទចម្រៀងដើម។ ម្ល៉ោះហើយត្រឹមរយៈពេលជាង១៥ម៉ោងប៉ុណ្ណោះវិដេអូ Live Performance របស់លោកវណ្ណដាមួយនេះអាចដណ្តើមយកចំណាត់ថ្នាក់លេខ១២នៅលើតារាងយូធូបកម្ពុជាដែលមានចំនួនអ្នកចូលទស្សនារហូតទៅដល់ជិត២សែននាក់។ 

គួរបញ្ជាក់ផងដែរនៅក្នុងថ្ងៃជាមួយគ្នានេះ លោកវណ្ណដាក៏បានធ្វើការបង្ហោះរូបភាពមួយចំនួនទៀតរបស់ខ្លួនផងដែរដើម្បីលួងលោមកំដរចិត្តអ្នកគាំទ្រស្រីៗរបស់លោកជាមួយនឹងខេបសិនថា«វ៉ាលេនថាញ ហ្នឹងម៉េចវិញ?» ព្រមជាមួយនឹងការខមមែនខាងក្រោមរូបភាពថា«នឹកបងប៉ុណ្ណា ធ្វើដៃមើល!!» ដែលធ្វើអោយអ្នកគាំទ្រស្រីៗរមូលពោះក្នាញ់នឹងអាយដលពន់ពេក។ បន្ទាប់មកអ្នកគាំទ្រមកពីគ្រប់ទិសទីក៏បានឳកាសឆ្លើយទៅកាន់សំណួរលោកវណ្ណដាទាក់ទងទៅនឹង Valentines នោះថា«Valentines ស្មើមានន័យថា I love you» ដែលហាក់ដូចជាពួកគេចង់សារភាពក្តីស្រលាញ់ទៅកាន់អាយដលរបស់ពួកគេអ៊ីចឹង។ ចុះទស្សនិកជនយល់ឃើញយ៉ាងម៉េចដែរ? Let me know in your comment below!