ផ្ទុះការចាប់អារម្មណ៍យ៉ាងច្រើនពីមហាជនចូលរួមទស្សនាការប្រគំតន្រ្តី TrueFest កាលពីថ្ងៃសៅរ៍ទី១០​​​ ខែមិថុនាកន្លងទៅនេះ បន្ទាប់ពីលោកវណ្ណដា និងអ្នកតំណាងក្រុមហ៊ុន True Money Cambodia បានពាំនាំជាមួយនឹងដំណឹងថ្មីៗក្តៅស្រួយមួយតាមរយៈការប្រគំតន្រ្តី។ អ្នកតំណាងនៃក្រុមហ៊ុនបានអោយអោយដឹងថាជាកិត្តិយសណាស់ដែលមានកំពូលរ៉េបផ័រប្រចាំប្រទេសទាំងពីរដូចជាលោកវណ្ណដាបានក្លាយខ្លួនជាសមាជិកទូតសុឆន្ទៈនៃក្រុមហ៊ុន True Money Cambodia ក៏ដូចជាមានកញ្ញា Lisa Blackpink មកជាសមាជិកទូតសុឆន្ទៈនៃក្រុមហ៊ុន True Money Thailand ស្របគ្នា។

ផ្សាភ្ជាប់នឹងការប្រគំតន្រ្តីនេះផងដែរ អ្នកតំណាងបានបន្តអោយដឹងថា នាពេលអនាគតថាមិនត្រូវប្រទេសថៃក៏អាចជាមានការប្រគំ TrueFest បែបនេះដូចនៅកម្ពុជាផងដែរ។ ថ្វីបើអ្នកស្រីមិនបានបង្ហើបអោយដឹងច្បាស់ពីគំរោងសហការណ៍រវាងលោកវណ្ណដា និងកញ្ញា Black Pink នាពេលខាងមុខ បណ្តាអ្នកគាំទ្ររបស់ពួកគេបានមានសេចក្តីរំពឹងយ៉ាងមុតមាំថាលោកវណ្ណដា និងកញ្ញា Lisaអាចនឹងចាប់ដៃសហការជាមួយគ្នាក្នុងនាមជាតំណាងទូតសុឆន្ទៈនៃក្រុមហ៊ុន True Money ដូចគ្នា ម្យ៉ាងទៀតពួកគេក៏សុទ្ធសឹងជា Rapper ដូចគ្នាផងដែរ។ 

គួរបញ្ជាក់ផងដែរ កញ្ញា Lisa Blackpink គឺជាសមាជិកទូតសឆន្ទៈដំបូងបង្អស់របស់ក្រុមហ៊ុន True Money Thailand ដែលទើបនឹងប្រកាសចូលកាលពីពេលថ្មីៗនេះដូចគ្នា។ ឆ្លៀតឳកាសនោះផងដែរ លោកវណ្ណដាក៏បានលើកឡើងបញ្ជាក់អំពីមុខងារ និងអត្ថប្រយោជន៍របស់ True Money App ហើយក៏បានផ្សាភ្ជាប់រឿងបាត់កាបូបរបស់លោកថ្មីៗនេះ ដែលលោកទើបនឹងចាប់ផ្តើមនឹកឃើញភាពកាន់តែស្រួលនៃការប្រើប្រាស់កម្មវិធីមួយនេះដើម្បីទុកដាក់លុយ។ ចុះទស្សនិកជនមានចំណាប់អារម្មណ៍យ៉ាងណាដែរ?