តោះ! សូមទស្សនិកជនមកតាមដានមើលត្រួសៗជាមួយអេដមីនទាំងអស់គ្នា ថាតើសិល្បកររូបណាខ្លះនឹងមានកម្មវិធីសម្តែងនៅក្នុងឳកាសថ្ងៃបុណ្យ Halloween ខាងមុខនេះ? សូមចាប់ផ្តើមឡើងពីលោកវណ្ណដាដំបូងគេបង្អស់ គឺលោកវណ្ណដារបស់យើងនឹងមានកម្មវិធីសម្តែងនៅឯ A-Zone Club សម្រាប់យប់ថ្ងៃទី២៧ ខែតុលាខាងមុខនេះ ដែលក៏ជាឳកាសសម្រាប់ Grand Opening ផ្ទាល់របស់ក្លឹបផងដែរ។
បន្តមកទៀតគឺមានក្រុម La Cima Cartel ដែលពួកគេនឹងចូលរួមសម្តែងនៅឯ Area-51 Pub នៅក្នុងថ្ងៃទី២៧ ខែតុលានេះ លឺល្ហៀងៗមកថាការសម្តែងបទ«កំរ» ដឹងតែពិសេសទៀតហើយ! បន្ទាប់មកទី៣គឺលោក Khmer1Jivit ដែលលោកនឹងមានការសម្តែងនៅថ្ងៃទី៣១ ចំថ្ងៃបុណ្យ Halloween នេះតែម្តងនៅឯ Epic 2 Club។
ខណៈទី៤គឺលោក G-Devith លោកនឹងមានការសម្តែងនៅឯ The Woods Outdoor Pub នៅក្នុងថ្ងៃទី២៩ ហើយក្នុងនោះក៏មានកញ្ញា Sopheak Kosoma ចូលរួមផងដែរ ដឹងតែសើចផ្ទុះផ្អើលទៀតហើយ!
ចំណែកទី៥ គឺជួបជាមួយនឹងកញ្ញា Sophia Kao នៅឯ Koh Pich City Hall នៅថ្ងៃទី២៨ លឺថាមានខនសិបបែប Enchanted Forest យ៉ាងឡួយតែម្តង ដូចក្នុងរឿងព្រេងនិទាន!
និងចុងក្រោយកូនពៅគឺលោក Tena តែញ៉ាក់សាហាវ ដោយលោកនឹងចូលរួមដល់ទៅ២កម្មវិធី ទី១មួយនៅឯ MOBLAB Pub នៅក្នុងថ្ងៃទី២៧ និងទី២នៅឯ Area-51 Pub នៅក្នុងថ្ងៃទី២៨ នៅមួយថ្ងៃបន្ទាប់ពីក្រុម La Cima Cartel បានសម្តែងនៅក្នុងក្លឹបកំសាន្តនេះ។ ចុះទស្សនិកជនត្រៀមខ្លួន និងសម្រេចចិត្តហើយរឺនៅថានឹងទៅចូលរួមទស្សនាការសម្តែងអាយដលប្រចាំចិត្តរបស់អ្នករូបណាខ្លះ?
