តារាចម្រៀងរ៉េប Pop ក៏ជា Producer ផងដែរ លោក វណ្ណដា ក៏បានធ្វើការផុសនូវរូបភាព និងអក្សរប្លែកៗនៅតាមបណ្តាលសង្គមរបស់ខ្លួនប៉ុន្មានថ្ងៃចុងក្រោយនេះ។ តាមរយៈការផុសរបស់លោកទៀតសោត ធ្វើឲ្យមហាជនលេង internet បូករួមទាំង Admin ផងដែរ បានធ្វើការសន្មតថា នឹងមានអ្វីពិសេសកើតឡើងជាក់ជាមិនខាន នៅប៉ុន្មានថ្ងៃខាងមុខនេះ។

យ៉ាងណាមិច Admin ក៏បានធ្លាប់ធ្វើវីឌីអូមួយមកហើយ ដែលជាភស្តុតាងមួយចំនួននៃការបញ្ចេញបទថ្មីរបស់លោក អាចក្លាយជាការពិតនៅថ្ងៃទី២២ ខែមករា ដែលត្រូវជាថ្ងៃកំណើតរបស់លោក។ ជាក់ស្តែង កាលពីម៉ោង៣រសៀល ថ្ងៃទី២១នេះ លោក វណ្ណដា ក៏បានការផុសរូប Poster អមជាមួយនឹងសារបញ្ជាក់មួយឃ្លាថា ឈាមខ្មែរ ឬភាសាអង់គ្លេសថា Khmer Blood បូករួមជាមួយនឹងកាលបរិច្ចេទ ថ្ងៃទី២២ ខែមករា ឆ្នាំ២០២២។ ប៉ុន្តែអ្វីដែល Admin កាន់តែមានចម្ងល់ទៀតនោះ រាល់រូបភាពនិងការផុសថ្មីៗនេះ សុទ្ឋសឹងតែភ្ជាប់ជាមួយនឹង #WildlifeAlliance។

ប្រសិនជា Admin search ទៅលើពាក្យនេះ បានបង្ហាញចេញនូវ Page ផ្លូវការមួយ ដែលមានឈ្មោះថា Wildlife Alliance Cambodia ឬអង្គការសម្ព័ន្ឋសត្វព្រៃ។ អ្នកគាំទ្រជាច្រើន បូករួមជាមួយ Admin នឹងជឿជាក់ថា បទនេះនឹងមានការជាប់ព័ន្ឋនឹងការចូលរួមអភិរក្សសត្វព្រៃ ឬជីវភាពរស់នៅរបស់បងប្អូនខ្មែរដែលជួបការលំបាកនៅទីនោះជាក់ជាពុំខាន៕