កាលពីពេលថ្មីៗនេះ ស្រទាប់យុវវ័យបានងាកមកចាប់អារម្មណ៍អ្នកចម្រៀង Pop កម្ពុជាដែលសង្ហាដូច Rain របស់កូរ៉េ គឺលោក Step ម្តងទៀតហើយ បន្ទាប់ពីរូបលោកបានឈានជើងចូលនិងដកឃ្លាពីសិល្បៈវិញជារឿយៗ។ ការ Come back របស់លោកនីមួយៗតែងទទួលបានការចាប់អារម្មណ៍តាមរយៈការបង្ហាញស្ទីលប្លែកៗជាពិសេសរាប់ចាប់តាំងពីបទ«កាឡកណ្ណី» របស់លោកមកម្ល៉េះ ដែលមានបង្ហាញស្ទាយលេងជាមួយនឹងដាវសាំមុរ៉ៃ។ តើការបង្ហាញខ្លួនបែបថ្មីៗរបស់លោកជាច្រើនលើកនេះ គឺមានទាក់ទងនឹងការចូលរួម និងជំរុញពីផលិតកម្មថ្មី GenMusix របស់លោកដែររឺទេ? យ៉ាងណាមិញសម្រាប់ការបង្ហាញខ្លួននៅក្នុងបទថ្មីនេះ គឺមានឈ្មោះថា «Bite» រឺហៅម្យ៉ាងទៀតថា «ខាំ» ដោយលោកបានរំលេចឡើងជាមួយនឹង Concept បែបបទបែប Vampire លាយឡំជាមួយនឹងរសជាតិ Romance តែម្តង ដោយមានការចូលរួមសម្តែងពីកញ្ញាសំបុរទឹកឃ្មុំ Miss Grand លំដាប់រងទី១ឆ្នាំ២០២៣របស់យើងគឺ Koy Anna។ 

តាមរយៈវិដេអូមួយដែលបង្ហាញនៅ Pre release នៃបទចម្រៀងនេះ កញ្ញា Koy Anna បានបង្ហាញចំណាប់អារម្មណ៍ថា រូបកញ្ញាគឺមិនមានអារម្មណ៍អៀនខ្មាសចំពោះលោក Step ទាល់តែសោះ ថ្វីបើលោក Step ក៏បានបង្ហាញរាងរូវដ៏សិចស៊ីនៅក្នុងការសម្តែងដ៏ស្និទ្ធសាលជាមួយនឹងនាង។ យ៉ាងណាមិញទាក់ទងនឹងបទចម្រៀងនេះវិញ គឺបានបញ្ជាក់ឡើងថាជាបទទី1 នៅក្នុងអាល់ប៊ុម Playcard Thematic Playlist របស់លោកនេះហើយ ដែលបានចេញផ្សាយជាផ្លូវការនៅថ្ងៃទី28 ខែសីហានេះ។ លោក Step ក៏បានអោយដឹងទៀតថា បទនីមួយៗនៅក្នុងអាល់ប៊ុមនេះ ក៏នឹងត្រូវធ្វើការចេញផ្សាយប្រចាំខែផងដែរ។ តោះ!​​​ ទស្សនិកជនទាំងអស់គ្នា កុំភ្លេចរង់ចាំតាមដានទាំងអស់គ្នាណា!