កាលពីថ្ងៃទី៤ ខែឧសភាកន្លងទៅនេះ Top Rapper កម្ពុជាលោកវណ្ណដាបានធ្វើការចែករំលែក Instagram Story មួយបង្ហាញពីការគាំទ្រ និងផ្តល់កំលាំងចិត្តទៅកាន់ Top កីឡាការិនី Jiu Jitsu កញ្ញា Khan Jessa ដែលបានខកខានក្នុងការដណ្តើមមេដាយមាស និងនាំកិត្តិយសមកជូនកម្ពុជា។ ថ្វីបើកញ្ញាខកខាននៅក្នុងការដណ្តើមយកមេដាយមាសពីកីឡាការិនីហ្វីលីពីននៅក្នុងការប្រកួត Sea Games កាលពីម្សិលមិញនេះ ប៉ុន្តែអារម្មណ៍សោកស្តាយដែលកើតមានតំណាលគ្នាយ៉ាងពុះពោរ បូករួមនឹងឆន្ទះដ៏មោះមុតរបស់កញ្ញាបានបង្ហាញឡើងតាមរៈបទសម្ភាសន៍ដោយផ្ទាល់ បានធ្វើអោយជ្រួតជ្រាប និងអង្រួនបេះដូងប្រជាជនខ្មែរយ៉ាងខ្លាំងក្លា។ ជាពិសេសមិនអាចរំលងបានលោកវណ្ណដាដូចគ្នា ដែលជាតំណាងខ្មែរមួយរូប និងមានទឹកចិត្តលះបង់ដ៏ធំធេង ក៏បានកោ​​​តស្ញប់ស្ញែងនឹងទឹកចិត្តដ៏ប្រពៃមួយនេះរបស់កញ្ញាផងដែរ ដោយលោកបានធ្វើការបង្ហោះឡើងនូវ Story ចែករំលែករូបភាពរបស់កញ្ញាមួយសន្លឹកជាមួយឪពុក ដាក់ជាមួយនឹងរូប Emoji ត្បូងមណីដែលហាក់បង្ហាញសម្តែងពីគុណតំលៃដ៏ថ្លៃថ្លារបស់កញ្ញាសំរាប់ប្រទេសកម្ពុជា។ នេះគឺហាក់ជាសារមួយពីលោកវណ្ណដាបង្ហាញពីការចូលរួមសោកស្តាយផង គាំទ្រផង និងផ្តល់កំលាំងចិត្តដូចគ្នាទៅកាន់កញ្ញា។ គួរបញ្ជាក់ផងដែរថាកាលពីឆ្នាំ២០១៩ កញ្ញា Khan Jessa ក៏ធ្លាប់បានផ្តួលវិញកីឡាការិនីហ្វីលីពីនរូបនេះផងដែរនៅក្នុងការប្រកួត Sea Games។ តើទស្សនិកជនយល់ឃើញយ៉ាងណាដែរចំពោះការប្រកួត Sea Games លើកនេះ?