កាលពីថ្ងៃទី១៣ ខែកុម្ភៈកន្លងទៅនេះ ក្រុមហ៊ុនផលិតកម្មបារមីបានធ្វើការចែករំលែកវិដេអូ Live Performance មួយរបស់លោកវណ្ណដានៅACE Lounge លើបទចម្រៀង J+O នៅលើបណ្តាញសង្គម Tik Tok។ នៅលើខេបសិននោះផងដែរ ខាងបារមីបានបញ្ចេញអោយដឹងថា«តើនេះអាចជាបទចម្រៀង J+O NewVersionដែររឺទេ?» ដោយសារតែការសម្តែងបទ J+O នៅលើឆាកតន្រ្តីនោះ លោកវណ្ណដាបានផ្លាស់ប្តូរភ្លេងយ៉ាងប្លែក និងពិរោះមួយបែប ដែលជាការ Remixមួយមិនធម្មតា ពិរោះមិនចាញ់ Version ដើម និង J+O2 របស់លោកទេ និងម្យ៉ាងវិញទៀតក៏បាននាំអារម្មណ៍អ្នកទស្សនាទៅរំលឹកអារម្មណ៍ចាស់ពេលបានស្តាប់បទចម្រៀង J+O នេះភ្លាម។ លោកវណ្ណដាគឺជាអ្នកទាញបេះដូងអ្នកស្តាប់តន្រ្តីនៅកម្ពុជាអោយស្គាល់នូវរសនិយមនៃបទ Hip Hop ពិតប្រាកដ ដែលធ្វើអោយពួកគេហាក់ដូចឈរនៅ On top of the world ពេលបានស្តាប់លឺនូវបទចម្រៀងរបស់លោក។ 

សាធារណជនមួយចំនួនក៏មានការរំពឹងទុកខ្ពស់ផងដែរថាខាងផលិតកម្មបារមីនឹងអាចបញ្ចេញបទ J+O Version Remix នេះឆាប់ៗទៅកាន់មហាជនទាំងអស់សណ្តាប់ ដោយពួកគេមិនអាចរំលងបទចម្រៀងណាមួយនៃស៊េរីបទ J+O នេះបានឡើយ។ គួរបញ្ជាក់ផងដែរនៅក្នុងសម្តែងរបស់លោកវណ្ណដា លោកក៏បានលើកយកបទ«Chapter 1»មកសម្តែងផងដែរ និងរួមមានការចូលរួមពីសិល្បករផ្សេងៗទៀតដូចជាលោកវណ្ណថាន Sophia Kao Laura Mam និងក្រុម Polarix ជាដើមផ្តល់ការសម្តែងចែករំលែកភាពរីករាយ។ ចុះទស្សនិកជនយល់ឃើញយ៉ាងណាដែរចំពោះការសម្តែងផ្ទាល់បទ J+O នេះ? Let me know in your comment below!