ផ្ទុះប៉ុន្មានថ្ងៃមិនដាច់សោះ! វិដេអូរបស់លោកវណ្ណដា និងលោក Goofy ជួបគ្នាក្នុងការប្រគំតន្រ្តីរបស់ស្រាបៀហនុមាន Countdown Party នៅឯខេត្តសៀមនៅលើបណ្តាញសង្គម Tik Tok! នៅក្នុងកម្មវិធីដែលអាចចូលរួមបានដោយសេរីដើម្បីអបអរឆ្នាំថ្មីជុំគ្នានេះ សង្កេតឃើញថាមានទស្សនិកជនជាច្រើនបានចូលរួមយ៉ាងច្រើនកុះករមកទស្សនាការប្រគំតន្រ្តីរបស់កំពូលតារាចម្រៀងដ៏ល្បីៗរបស់យើងដែលមានដូចជាលោកយូហៃ លោកវណ្ណដា និងលោក Goofy ជាដើមកាលពីថ្ងៃទី៣១ ខែធ្នូកន្លងទៅនេះ។
ហើយក្នុងនោះដែរ បណ្តាអ្នកគាំទ្រជាច្រើនបានព្យាយាមតាមប្រមាញ់រូបភាពរបស់សិល្បកររបស់យើង ដែលពួកគេបានឡើងសម្តែង ក៏ដូចជាបានបង្ហាញសកម្មភាពសំណេះសំណាលនឹងគ្នា ជាពិសេសគឺនៅក្រោមឆាកតែម្តង។ មានវិដេអូមួយនោះត្រូវបានអ្នកគាំទ្រនៅលើបណ្តាញសង្គម Tik Tok ចែករំលែកឡើង និងធ្វើអោយផ្ទុះតែម្តងពីលោកវណ្ណដា និងលោក Goofy ជួបគ្នាក្នុងការប្រគំតន្រ្តី និងសំណេះសំណាលគ្នាឡើង ដោយ Say Happy New Year រួចបន្ទាប់មកពួកគេក៏ Break Dance ឡើងយ៉ាងស្ទាវតែម្តង ដែលធ្វើអោយអ្នកគាំទ្រមានការពេញចិត្តពួកគេកាន់តែខ្លាំងឡើង។
រហូតដល់មានអ្នកគាំទ្រមួយចំនួនបានលើកឡើងថា លោកGoofyគឺ«ផ្ទុះដោយសារត្រង់ហ្នឹងនេះឯង»។ ខណៈនៅលើទំព័រផ្លូវការរបស់លោក Goofy វិញដែលមានឈ្មោះថា Goofy-20 ក៏បានបង្ហោះនូវវិដេអូមួយនេះដែររួមជាមយយនឹងខេបសិនថា«King Rapper and King Dance» ជាមួយនឹង Emoji បេះដូង និងសើចយ៉ាងរបៀបលេងសើច។ តើទស្សនិកជនយល់ឃើញថាថ្ងៃអនាគតលោកវណ្ណដា និងលោក Goofy អាចនឹងបង្ហាញខ្លួនស្និទ្ធស្នាលនឹងគ្នាជាងនេះទេ ហើយពួកគេអាចនឹងមានគំរោងចេញបទចម្រៀងរួមគ្នានោះទេ?
