កាលពីពេលថ្មីៗនេះ តាមរយៈការ Live Instagram មួយរបស់លោកវណ្ណដាបានបង្ហើបអោយដឹងថា លោកវណ្ណដាអាចនឹងមានគម្រោងចេញផ្សាយអាល់ប៊ុមទាំងមូលតែម្តងនាពេលខាងមុខនេះ។ ដោយកត់សម្គាល់ឃើញថានៅក្នុងពេលមួយដែលអ្នកគាំទ្ររបស់លោកបានសួរឡើងថា«បងពេលណាចេញបទថ្មី?» លោកវណ្ណដាក៏បានបង្ហាញប្រតិកម្មឆ្លើយតបវិញថា«ចាំយកអាល់ប៊ុមសរុបវិញហ្អី» ថ្វីបើលោកក៏បានបញ្ជាក់ស្របពេលនោះថានឹងអាចនៅតែបន្តទំលាក់បទមួយៗទន្ទឹមនឹងគ្នានោះផងដែរ។
យ៉ាងណាមិញស្របពេលជាមួយនឹងការពាំនាំដំណឹងល្អពីខាងលោកវណ្ណដា ខាងលោកជីដេវីតឯណោះវិញក៏កំពុងតែពុះកញ្ជ្រោលឡើងដោយដំណឹងដ៏គួរអោយរំជើបរំជួលមួយផងដែរ។
ដោយកាលពីថ្ងៃទី២១ ខែសីហាកន្លងទៅនេះ អ្នកនាងទេពបូព្រឹក្សទើបតែបានបញ្ចេញនូវស្តេធឺសមួយឡើងថា«ធ្វើអីដឹងខ្លួនឯងហើយ» បន្ទាប់មកលោកជីដេវីតក៏បានធ្វើការចែករំលែកបន្តនូវស្តេធឺសមួយនោះភ្ជាប់ជាមួយនឹងសារឆ្លើយតបទៅវិញថា«ហូបស្វាយអត់?» ដែលធ្វើអោយអ្នកគាំទ្រមួយចំនួនកំពុងមានការសង្ស័យឡើងថា រឺមួយពេលនេះអ្នកនាងទេពបូព្រឹក្សកំពុងតែទំងន់លើកទី២ មានបងប្អូនអោយ Albert ហើយដែលជាកូនប្រុសដំបូងរបស់ពួកគេ។
ចំណែកអ្នកគាំទ្រខ្លះក៏បានលាន់មាត់ឡើងថា«សម័យនេះគេឈប់លួងតាមឆាតហើយ គេលួងតាមស្តេធឺសវិញ ដល់ហើយឪ»។ គួរអោយចាប់អារម្មណ៍ផងដែរ ក៏នៅមានស្តេធឺសមួយចំនួនទៀតដែលលោកជីដេវីតហាក់ដូចជាកំពុងតាមលួងលោមអ្នកនាងទេពបូព្រឹក្សកាលពីពេលថ្មីៗនេះ ដូចជា«ទឹកអាចលិចកញ្ចឹងកបងបានតែមិនអាចលិចបេះដូងស្មោះរបស់បងចំពោះអូនទេ» និង«ប៉ុន្មានថ្ងៃនេះមើលម៉ែវាស្អាតប្លែក» ជាដើម។ ចុះទស្សនិកជនយល់ឃើញយ៉ាងណាដែរចំពោះដំណឹងពន្លយចេញមករបស់អ្នកទាំងពីរនេះ?