កាលពីយប់ថ្ងៃទី១៤ ខែកក្កដាកន្លងទៅនេះ លោកវណ្ណដាបាន Surprise ទំលាក់នូវវិដេអូចម្រៀង Freestyle មួយ មានចំណងជើងថា«Not Like Yerng» ដែលទំនងជាលោកបានយកលំនាំតាមបទ«Not Like Us» របស់លោក Kendrick Lamar អាយដលរបស់លោក។ គួរអោយចាប់អារម្មណ៍ផងដែរថា មួយរយៈពេលកន្លងទៅនេះ លោកវណ្ណដាក៏ធ្លាប់បានបង្ហោះ និងចែករំលែកស្តេធឺសទាក់ទងពីលោក Kendrick Lamar ពីមុនមកដែរ។ ដូចជានៅខណៈពេលដែលលោកបានទៅសម្តែងការប្រគំតន្រ្តី Sabaidee Fest នៅសហរដ្ឋអាមេរិក លោកវណ្ណដាក៏បានទៅចូលរួមទស្សនា Concert របស់លោក Kendrick Lamar ផងដែរ និងបានចែករំលែកស្តេធឺសគាំទ្រថា«6 times they not like yerng, mann Kendrick is crazy»។
ខណៈចូលមកក្នុងថ្ងៃទី០៥ ខែកក្កដា លោកវណ្ណដាក៏បានចែករំលែកបទ«Not Like Us» របស់លោក Kendrick Lamar ថែមទៀតនៅលើគណនីហ្វេសប៊ុករបស់លោកតែម្តង។ គួរបញ្ជាក់ផងដែរថា ស្របពេលដែលលោកវណ្ណដាចេញបទ«Not like yerng» នេះ ក៏មានមហាជនមួយចំនួនក៏ងាកមកចាប់អារម្មណ៍លោក Drake ផងដែរ ព្រោះលោក Drake គឺជាគូសត្រូវចម្រៀង Disstrack ជាមួយលោក Kendrick Lamar ហើយនៅសហរដ្ឋអាមេរិក។ តើទស្សនិកជនយល់យ៉ាងណាដែរចំពោះបទចម្រៀង Freestyle «Not like yerng» របស់លោកវណ្ណដានេះ?
