ក្រោយបញ្ចេញ Teaser បទថ្មីជាមួយ Awich “6 Years In The Game” កាលពីយប់មិញនេះ លោកវណ្ណដាបាន Surprise Early Release ជា Audio Version តែម្តងនៅក្នុងឆាណែលយូធូបផ្លូវការរបស់លោកនៅមួយម៉ោងក្រោយពីទំលាក់ Teaser អាល់​​​ប៊ុម។ គួរបញ្ជាក់ផងដែរថា បទនេះត្រូវបានទំលាក់នៅក្នុងថ្ងៃឈានចូលថ្ងៃខួបកំណើតរបស់លោកវណ្ណដាផងដែរ នៅក្នុងថ្ងៃទី២២ ខែមករា។ 

ដោយកន្លងមកលោកវណ្ណដាក៏បានបញ្ជាក់ផងដែរថា នៅរៀងរាល់ឆ្នាំលោកបានតែងតែទំលាក់បទចម្រៀងមួយបទនៅក្នុងថ្ងៃកំំណើត​​​ ដែលទាំងនោះរួមមានបទ J+O, Born This Way, If I Die, Khmer Blood, Chapter 1 និងបទ 6 Years In The Games នេះផងដែរ ដែលលោកវណ្ណដាត្រូវបានទំលាក់នៅក្នុងរយៈពេល៦ឆ្នាំ ៦ខែ ៦ថ្ងៃ ៦ម៉ោង ៦នាទី និង៦វិនាទីតែម្តង។ 

សម្រាប់ M/V ផ្លូវការបទចម្រៀងមួយនេះជាមួយនឹង Awich ផងដែរ​​​ ពួកគេទាំងពីរនាក់នឹងបញ្ចេញឡើងជាផ្លូវការនៅម៉ោង៦ល្ងាចនេះហើយ។ យ៉ាងណាមិញផងដែរ កាលពីម្សិលមិញ អ្នកនាង Awich ក៏បានចែករំលែកបន្ត Teaser បទចម្រៀងរបស់ពួកគេ រួមទាំងបានបង្ហើបចំណាប់អារម្មណ៍ខ្លះៗអោយដឹងថា ថ្វីបើប្រទេសកម្ពុជាធ្លាប់ជួបនូវសម័យកាលដ៏ខ្មៅងងឹតកាលពី៥០ឆ្នាំមុន ប៉ុន្តែពេលអ្នកនាងបានមកប្រទេសកម្ពុជាកាលពីឆ្នាំមុន អ្នកនាងបានឃើញពីភាពអស្ចារ្យ និងថាមពលដ៏ខ្លាំងក្លារបស់លោកវណ្ណដា ដែលជាតារាចម្រៀងមួយរូបអាចអូសទាញមនុស្សរាប់ម៉ឺុននាក់មកទស្សនាការប្រគំតន្រ្តីរបស់លោកតាមរយៈការស្រលាញ់ចូលចិត្តតន្រ្តីរបស់លោក។ លោកគឺជានិម្មិតរូបមួយដែលបានធ្វើអោយផ្លាស់ប្តូរ និងកក្រើកមនុស្សជំនាន់ក្រោយ។ តោះ! ចង់ដឹងថា Awich មានអ្វីពិសេសនៅក្នុងបទថ្មីជាមួយលោកវណ្ណដា កុំភ្លេចរង់ចាំទស្សនាទាំងអស់គ្នា!