កាលពីមួយរយៈចុងក្រោយនេះ លោកវណ្ណដាបានធ្វើការ Live ជាញឹកញាប់នៅលើបណ្តាញសង្គម Instagram ដោយក្នុងអំឡុងពេលខែមេសានេះផងដែរ លោកវណ្ណដាក៏ទើបតែបាន Live ជជែកកំសាន្តលេងជាមួយបណ្តាអ្នកគាំទ្ររបស់លោក និងរួមទាំងចាក់ស្តាប់បទ Random Song នៅក្នុងខណៈពេល Live នោះផងដែរ។ គួរអោយចាប់អារម្មណ៍ផងដែរថា នៅក្នុងចំណោមបទទាំងនោះក៏មានបទរបស់លោកសុវត្ថិមុនីវណ្ណ«Don’t Compare» ផងដែរ ដែលពេលនេះកំពុងក្លាយជាតារាចម្រៀងរ៉េបមួយរូបដែលកំពុងទទួលបានចំណាប់អារម្មណ៍។ មហាជនមានការចាប់អារម្មណ៍យ៉ាងខ្លាំងបន្ទាប់ពីបានឃើញលោកវណ្ណដា Live ស្តាប់ចំរៀងរ៉េបផ័រដទៃទៀតនៅលើគណនី Instagram របស់លោក ជាពិសេសអ្វីដែលពួកគេចង់ដឹងនោះគឺទៅលើ Reaction របស់លោកនៅពេលស្តាប់ចំរៀងនោះ។ លោកវណ្ណដាបានចាប់ផ្តើមដោយការញញឹមបុមមាត់របៀបដឹងខ្លួនថានឹងក្លាយជាប្រធានបទរបស់មហាជនទៀតហើយ នៅពេលលោកបើកប៉ះស្តាប់ចំរៀង Random Song ដល់បទលោកសុវត្ថិមុនីវណ្ណនោះភ្លាម ហើយលោកក៏លាន់មាត់ថា«បទកូនព្រាបសុវត្ថិ» រួចហើយក៏បន្តស្តាប់ដោយ Enjoy ជាមួយ Music នោះ និងបានបញ្ជាក់ខ្លះថាៗ« Just Random Song»។ នៅក្នុងការ Live អំឡុងពេលស្តាប់នោះផងដែរ លោកបាននិយាយជជែកលេងជាមួយមហាជនយ៉ាងសាមញ្ញៗសំណេះសំណាលគ្នាទៅមកមើលយ៉ាងជក់ចិត្តតែម្តង! តោះទស្សនិកជនបើចង់ជជែកលេងជាមួយវណ្ណដា កុំភ្លេចទស្សនា Live របស់លោកវណ្ណដាផងណា!
