ប្រសិនបើទស្សនិកជនគិតថា បទ«6 Years In The Game» គឺជាកាដូតែមួយគត់ពីលោកវណ្ណដានៅក្នុងថ្ងៃខួបកំណើតរបស់លោក នោះទស្សនិកជនប្រហែលជាមានការថ្លោសធ្លោយហើយ ព្រោះជាការពិតទៅលោកវណ្ណដានៅមានសេសសល់កាដូបទចម្រៀងមួយបទទៀត ដែលលោកបាន Collab ជាមួយនឹងលោក Kwan នៅក្នុងអាល់ប៊ុម Sonmalai។ 

បទចម្រៀងនោះមានចំណងជើងថា«មេឃបើកថ្ងៃ» ដែលលោក Kwan បានបញ្ចេញរួចមកហើយរួមជាមួយនឹងបទចម្រៀងទាំង៩បទទៀតរបស់លោកនៅក្នុង Listening Party ដែលធ្វើឡើងកាលពីថ្ងៃទី១៩ ខែមករាកន្លងទៅនេះ។ អាល់ប៊ុម Sonmalai Mixtape នេះ លោក Kwan បានទម្លាយឡើងថាអាចនឹងទំលាក់ជាផ្លូវការនៅថ្ងៃទី២៦ ខែមករាខាងមុខនេះ។ 

គួរបញ្ជាក់ផងដែរថា បទ«មេឃបើកថ្ងៃ» គឺជាបទបិទគូថលេខរៀងទី១០នៅក្នុងអាល់ប៊ុមនេះតែម្តង ដែលមាន Ft ជាមួយនឹងលោកវណ្ណដា ខណៈដែលលោក Kwan ក៏បានបញ្ជាក់ត្រួសៗអោយដឹងថា ដែលលោកបានដាក់ចំណងជើងអាល់ប៊ុមនេះថា Sonmalai ព្រោះវាបានមកពីពាក្យ២រួមបញ្ចូលគ្នា គឺSon និង Malai គឺកូនប្រុសអ្នកស្រុកម៉ាឡៃ។ 

យ៉ាងណាមិញផងដែរ ទាក់ទងនឹងថ្ងៃកំណើតលោកវណ្ណដាទៀតសោត ដែលជាគំរប់ខួបលើកទី២៧ លោកវណ្ណដានៅបានចែកចាយកាដូជាក្តីស្រលាញ់ជាច្រើនទៀតទៅកាន់កុមារកំព្រានៅឯអង្គការផ្ទះបាយកុមារ ដោយលោកបានផ្តល់ជាអាហារទៅកាន់ពួកគេរួមជាមួយនឹងកញ្ញា Lauryn។ 

ជាពិសេសនៅក្នុងថ្ងៃនេះផងដែរ កញ្ញា Lauryn ក៏បានផ្ញើសារជូនពរលោកវណ្ណដា​​​«Happy Bornday peach I wish for you everyday…, “And in the end, it’s not the years in your life that count. It’s the life in your years.” you’re fantastic as VannDa & Mann Vannda. I’m Pround to be with VD but luckiest to be with Mann Vannda … Thank you so much for EVERYTHING you you @therealvannda»។ ចុះទស្សនិកជនមានពាក្យពេចន៍ជូនពរលោកវណ្ណដាដូចម្តេចខ្លះ?