កាលពីថ្ងៃទី២២ ខែមេសាកន្លងទៅនេះ លោកវណ្ណដាបានធ្វើការចែករំលែកវិដេអូថ្មីមួយទៀតនៅលើគណនី Tik Tok និង Instagram របស់លោក ដែលជាការបង្ហាញបទចម្រៀង Original Song ថ្មីស្រឡាងមួយច្រៀងឡើងដោយសមាជិកនៃក្រុមការងារមួយរូប ដែលលោកវណ្ណដាស្រលាញ់ដូចជាប្អូនបង្កើតអ៊ីចឹងមានឈ្មោះថាលោក Mesa។ លោកវណ្ណដាបានចែករំលែកវិដេអូរបស់លោក Mesa ជាមួយនឹងគ្នីគ្នារបស់លោកនៅក្នុងកម្មវិធីជួបជុំមួយ ជាមួយនឹងការចាក់Background Song ជាសំលេងច្រៀង Original Song របស់លោកមេសាតែម្តងដែលធ្វើអោយស្តាប់ហើយប្លែកត្រចៀកតែម្តង។ លោកវណ្ណដាក៏បានសរសេរអមនឹងសារឡើងថា«Happy Birthday my boi 420» ដែលហាក់ដូចមានអត្ថន័យបង្កប់អ្វីម្យ៉ាងទៅនឹងលេខ 420 នេះ ខណៈដែលលោកមេសាក៏ធ្លាប់បានបង្ហើបខ្លះៗផងដែរថាខួបកំណើតរបស់លោកគឺជារៀងរាល់ថ្ងៃនៅម៉ោង 4:20 នាទី ដែលធ្វើអោយទស្សនិកជនកាន់តែមានចំងល់តើមានអ្វីកើតឡើងទៅនៅម៉ោង 4:20 នាទី? តើនឹងមាន Party រៀងរាល់ម៉ោង4:20នាទីមែនទេ ដោយសារតែសង្កេតថាលោក Mesa គឺជាសមាជិកបារមីមួយរូប ដែលប្រៀបដូចជា Assistant មួយរូបរបស់លោកវណ្ណដាផងដែរ។ គួររំលឹកផងដែរថាកាលពីចូលរួមកម្មវិធី​​​ Rolling Loud Thailand លោកមេសាក៏បានទៅចូលរួមជាមួយនឹងលោកវណ្ណដាផងដែរនៅក្នុងប្រទេសថៃ។ សង្កេតឃើញមួយទៀតផងដែរថាមហាជនជាច្រើនកំពុងមានចំណាប់អារម្មណ៍ថាលោកមេសានឹងអាចក្លាយជាអនាគតរ៉េបផ័រមួយរូបនៅក្នុងក្រុមបារមីផងដែរ។ ចុះទស្សនិកជនយល់ឃើញយ៉ាងណាដែរ?