កាលពីថ្ងៃទី២ ខែមីនាកន្លងទៅនេះ លោកវណ្ណដាបានបញ្ចេញវិដេអូផ្សព្វផ្សាយអំពីសុវត្ថិភាពចរាចរណ៍មួយដែលមានការសម្តែងឡើងដោយលោកផ្ទាល់រួមទាំងសិល្បករបារមីពីររូបទៀតគឺលោកណូរិទ្ធ និងកញ្ញា Sophia Kao ហើយកាន់តែពិសេសអ្នកទាំងបីក៏បានរួមគ្នាមកសម្តែងជាមួយនឹងសិល្បកររាមច្បង២រូបទៀតគឺអ្នកនាងឱកសុគន្ធកញ្ញា និងសុគន្ធនីសាផងដែរ។ ការជួបជុំរវាងកំពូលសិល្បករនីមួយៗបានធ្វើអោយទស្សនិកជាច្រើ់នលាន់មាត់ថាពេលនេះអាយដលរបស់ពួកគេបានប៉ះគ្នាហើយ និងរំភើបកាន់តែខ្លាំងទន្ទឹងរង់ចាំថ្ងៃសម្តែងរបស់ពួកគេនៅក្នុងកម្មវិធី«ខួប៣ឆ្នាំលេខពិសេសផ្ទាល់ខ្លួន» នៅពេលខាងមុខនេះដែលមានការពិព័ណ៍ផ្លាកលេខនិងរថយន្តផងដែរ។ វិដេអូមួយនេះផងដែរមានលក្ខណៈបែបកំសាន្តផង និងអប់រំផងដែលពេញនិយមសំរាប់ស្រទាប់យុវវ័យដោយមានចំនួនអ្នកទស្សនារហូតដល់ជាង៥សែននាក់នៅលើបណ្តាញទំនាក់ទំនងហ្វេសប៊ុក។ 

យ៉ាងណាមិញផងដែរវាក៏បានធ្វើអោយអ្នកគាំទ្ររបស់លោកវណ្ណដា ក៏ដូចជាអ្នកគាំទ្ររបស់កញ្ញា Sophia Kao និងលោកណូរិទ្ធបានមើលឃើញទេពកោសល្យសម្តែងរបស់អ្នកទាំង៣ថែមទៀតក្រៅពីវិស័យចម្រៀង។ តួសម្តែងទាំង៥របស់យើងបានជជែកគ្នាដោយច្បិចយកអំពីការពេញនិយមនៃផ្លាកលេខរថយន្តឡូយៗនាពេលបច្ចុប្បន្ន ហើយពួកគេធ្វើការដេញដោលគ្នាអំពីទន្ទឹមនឹងមានរថយន្តនិងសំភារៈទំនើបៗ គប្បីជាមូលដ្ឋានបំផុតបើកបរដោយប្រុងប្រយ័ត្ន និងបញ្ចៀសប្រើប្រាស់នូវគ្រឿងស្រវឹងព្រោះនឹងធ្វើអោយពួកគេធ្លាក់ដល់ចំនុចសូន្យបាត់បង់អ្វីទាំងអស់។ លោកវណ្ណដា និងមិត្តរបស់លោកក៏បាននាំគ្នាចេញនូវពាក្យឡើងថា«Bok Kalo បានតែសូមកុំបើកបរ»។ ទស្សនិកជនទាំងអស់គ្នាចង់បានផ្លាកលេខឡូយៗ​​​ Bok Kalo ដូចលោកវណ្ណដាដែររឺទេ? កុំភ្លេចចូលរួមដេញថ្លៃទាំងអស់គ្នាណា!