ញ៉ាក់! បន្ទាប់ពីឃើញរូបភាពលោកវណ្ណដាទម្លាយឡើងថតជាមួយនឹងរថយន្ត Volkswagenមួយគ្រឿងនៅលើបណ្តាញសង្គមដែលធ្វើអោយអ្នកគាំទ្រចាប់ផ្តើមមានការសន្និដ្ឋានឡើងថា លោកវណ្ណដាអាចនឹងក្លាយជា BA របស់ក្រុមហ៊ុនផលិតឡានអាល្លឺម៉ង់Volkswagen ក្នុងពេលឆាប់ៗខាងមុខនេះ។ ព្រោះជារៀងរាល់ដង សង្កេតឃើញថាលោកវណ្ណដាតែងតែចោលតំរុយពីគំរោងការងារបន្ទាប់ដ៏រំភើបៗរបស់លោកដើម្បីបង្កើនភាពរន្ថើនអារម្មណ៍ញាប់ញ័រចិត្តកាន់តែខ្លាំងដល់អ្នកគាំទ្ររបស់លោក។ ដូចកាលពីឆ្នាំមុន ក្រោយផ្ទុះរឿងទាក់ទាងពី Coca BTS លោកវណ្ណដាក៏បានចូលក្លាយខ្លួនជាតារាទូតសុឆន្ទៈរបស់ក្រុមហ៊ុនកូកាកូឡាផងដែរ។ 

និងក្រោយមកទៀត បន្ទាប់ពីផ្ទុះរឿងទាក់ទងពីលោកវណ្ណដាពាក់អាវ 07 របស់លោក Ronaldo លោកវណ្ណដាក៏បានក្លាយជា BA របស់សាប៊ូកក់សក់ Clear ប្រេនរបស់អ៊ីតាលីដូចនឹងលោក Ronaldo ដែរ។ ចុះទើបអ្នកគាំទ្រសង្ស័យឡើងថា តើរូបភាពកូនឡានដ៏ទាក់ទាញម៉ាក Volkswagen នេះ នឹងតំណាងអោយការឈានជើងចូលរបស់លោកវណ្ណដាជា BA របស់ប្រេនមួយនេះដែររឺទេ។ យ៉ាងណាផងនោះ វាត្រឹមជាការចោលសេចក្តីសន្និដ្ឋានរបស់អ្នកលេងនៅបណ្តាញសង្គម Tik Tok តែប៉ុណ្ណោះ។ គួរបញ្ជាក់ផងដែរថា សរុបមកលោកវណ្ណដាបានក្លាយជា BA របស់ក្រុមហ៊ុនធំៗ ដែលមានដូចជា Coca Cola, Hanuman, Boxing Cambodia, Cellcard, Ten11, Vivo, Food Panda, Klassy Watches, និង Clear ជាដើម។