កាលពីថ្ងៃទី០៨ ខែមីនាកន្លងទៅនេះ លោកវណ្ណដាព្រមជាមួយនឹងសិល្បករល្បីៗជាច្រើនរូបទៀតនៃប្រទេសកម្ពុជាបានចូលរួមនៅក្នុងព្រឹត្តិការណ៍ការប្រគំតន្រ្តីដ៏អស្ចារ្យនៃ“ខួប៣ឆ្នាំលេខពិសេសផ្ទាល់ខ្លួន” របស់ក្រសួងសាធារណការ និងដឹកជញ្ជូនដែលធ្វើឡើងនៅសួនច្បារវត្តបទុមវតី។ គោលដៅសំខាន់នៃកម្មវិធីមួយនេះផងដែរត្រូវបានធ្វើឡើងដើម្បីផ្សព្វផ្សាយនិងលើកស្ទួយក្នុងការប្រើប្រាស់ផ្លាកលេខរបស់កម្ពុជាយើង និងដើម្បីផ្សព្វផ្សាយពីសុវត្ថិភាពចរាចរណ៍។ ក្រសួងសាធារណការ និងដឹកជញ្ជូនបានអោយដឹងថានាពេលបច្ចុប្បន្ននេះប្រជាជនកម្ពុជាមិនចាំបាច់មានការព្រួយបារម្ភក្នុងការធ្វើស្លាកលេខទៀតទេ ដោយសារតែបច្ចុប្បន្នពួកយើងក៏អាចធ្វើស្លាកលេខតាមរយៈកម្មវិធីរបស់ក្រសួងក្នុងទូរសព្ទដៃបាន​និងធ្វើការបង់ប្រាក់ដោយភ្ជាប់នឹងកុងធានាក្នុងទូរសព្ទ័ដៃស្រាប់។ 

យ៉ាងណាមិញសិល្បករ និងសិល្បការិនីរបស់យើងបានឡើងសម្តែងនៅលើឆាកជាមួយបទចម្រៀងផ្ទាល់ៗខ្លួនរបស់ពួកគេ និងចូលរួមផ្សព្វផ្សាយពីសុវត្ថិភាពចរាចរណ៍ផងដែរដែលមានដូចជាក្រុមបារមី លោកខាយ លោករ៉ូលីន អ្នកនាងឳកសុគន្ធកញ្ញា អ្នកនាងសុគន្ធនីសា កញ្ញាអេណាវីតាជាដើម។ ចំណែកលោកវណ្ណដាវិញក៏បានបញ្ចប់កម្មវិធីជាមួយនឹងបទចម្រៀងរហូតទៅដល់៤បទដែលរួមមានបទ Chapter 1, Solo Again, នារីជឿនលឿន Hot Boy និងកាន់តែពិសេសបានថែមជូនទស្សនិកជននូវមួយបទទៀតដែលឡើងទៅដល់៥បទគឺបទ Elevator។ មិនតែបុ៉ុណ្ណោះសំរាប់ទិវាសិទ្ធនារីនេះផងដែរលោកវណ្ណដាក៏បានប្រគល់ផ្កាដ៏ស្រស់ស្អាតជូនអាយដល់របស់លោកគឺអ្នកនាងឳកសុគន្ធកញ្ញានៅលើវេទិកាផងដែរដែលធ្វើអោយអ្នកនាងរំភើបយ៉ាងខ្លាំងនិងពេញចិត្តការអោយតំលៃទៅលើនារីទាំងអស់នៅជុំវិញពិភពលោក។ តើទស្សនិកជនមានចំណាប់អារម្មណ៍យ៉ាងណាដែរសំរាប់ការសម្តែងរបស់ពួកគេកាលពីយប់មិញ? Let me know in your comment below!