កាលពីពេលថ្មីៗនេះ លោកវណ្ណដាបានបញ្ចេញប្រតិកម្មតបវិញហើយទាក់ទងនឹងរឿងក្តីស្នេហាសំងាត់របស់លោកជាមួយនឹងតារាម៉ូឌែល Lauryn។ ថ្វីត្បិតតែទំនាក់ទំនងស្នេហារបស់សិល្បករគឺជាសិទ្ធិរបស់ឯកជន ហើយក៏មិនបានខុសទៅនឹងតម្រាអ្វីប្រសិនបើពួកគេចង់បង្ហាញរឺមួយមិនចង់ ប៉ុន្តែនៅក្នុងខ្សែភ្នែករបស់ទស្សនិកជនលោកវណ្ណដានៅតែជាប់ពិរុទ្ធបទល្មើសស្នេហ៍ធ្វើអោយអ្នកគាំទ្រខូចចិត្តដដែល។
ជាក់ស្តែងកាលពីពេលថ្មីៗនេះ កញ្ញា Sophia Kao ក៏បានលើកឡើងពាក់ព័ន្ធនឹងរឿងនេះផងដែរថា«People nowadays wann be famous without realizing the price you pay for fame is your privacy.»។ យ៉ាងណាមិញមកទល់ពេលនេះ រឿងរបស់លោកវណ្ណដាក៏មិនបានបញ្ចប់ទៅយ៉ាងត្រជាក់ល្ហឹមដូចពាក្យចចាមអារ៉ាមស្នេហា Jennie Blackpink និង Jungkook BTS នោះដែរ ព្រោះរឿងនេះនៅែតស្ងប់ស្ងាត់ស្វែងរកទីបញ្ចប់មិនឃើញ អាចបានត្រឹមតែប៉ះរឹមៗក្លិនខាងៗប៉ុណ្ណោះ។
ខណៈដែលលោកវណ្ណដាសំរេចចិត្តត្រឹមតែចេញមុខការពារអ្នកម្តាយរបស់លោកដែលត្រូវបណ្តាអ្នកគាំទ្រមួយចំនួនបង្ហោះវិដេអូរបស់គាត់យកមកTrollលេង នៅខណៈដែលពួកគេយករូបថតរបស់កញ្ញា Lauryn អោយគាត់មើលរួចក៏លួចថតគាត់នៅពេលនោះ។ ជាក់ស្តែងកាលពីប៉ុន្មានថ្ងៃមុននេះ លោកវណ្ណដាបានចេញមុខបង្ហោះសារនៅលើ Instagram Storyរបស់លោកផ្ទាល់ ដោយបានលើកឡើងថា«សូមឈប់ថតម្តាយខ្ញុំយកមកផុសទៀត សូមផ្តល់ភាពស្ងប់ស្ងាត់អោយគាត់ រៀនគោរពសិទ្ធិនិងអោយតំលៃមនុស្សចាស់ផងអរគុណ»។ តើទស្សនិកជនមានមតិយោបល់យ៉ាងណាដែរទៅលើជីវិតស្នេហាឯកជនរបស់លោកវណ្ណដាមួយនេះ?
