កាលពីយប់ថ្ងៃសៅរ៍ ទី២៧ ខែឧសភាកន្លងទៅនេះ លោកវណ្ណដាបានក្រើនទស្សនិកជនឡើងជាមួយនឹងការសម្តែងពិសេសមួយនៅឯក្នុងការប្រគំតន្រ្តី Hanuman Nights ដែលធ្វើឡើងនៅសាលកោះពេជ្រ។
ជាមួយនឹងគ្នានេះផងដែរ អ្វីថ្មីដែលលោកវណ្ណដាបានផ្តល់ជូនទស្សនិកជនជាការពន្ញាក់អារម្មណ៍នោះគឺជាការបង្ហាញសមត្ថភាពពិសេសរបស់លោកក្នុងកំរិតថ្នាក់អន្តរជាតិមួយ ដោយលោកបានលើកឡើងថានឹងធ្វើអោយទស្សនិកជនបានដឹងថាលោកអាចសម្តែងការប្រគំតន្រ្តីបានរហូតដល់ទៅ១៤បទបន្តបន្ទាប់គ្នានៅក្នុងយប់នេះ។
ផ្សាភ្ជាប់ជាមួយនឹងការបង្ហាញសមត្ថភាពសម្តែងដ៏ធំអស្ចារ្យនេះផងដែរ លោកវណ្ណដាក៏រំលឹកឡើងទៅកាន់ទស្សនិកជនដែលមានបំណងចូលរួមប្រលងកម្មវិធី The Rapper Cambodia ថា សូមអ្នកទាំងអស់គ្នាមានភាពជឿជាក់ឡើង និងកុំខ្វល់ពីសំដីអ្នកដទៃអី សូមធ្វើអ្វីដែលខ្លួនអ្នកចង់ ហើយបង្ហាញសមត្ថភាពដែលអ្នកមានមកកាន់ពិភពលោកអោយបានដឹងមក។ ម្យ៉ាងវិញទៀតផងដែរ លោកវណ្ណដាក៏បានបញ្ជាក់ថាកម្មវិធី The Rapper Cambodia គឺនៅក្នុងឆ្នាំនេះនឹងធ្វើធំផងដែរ។
គួរបញ្ជាក់ផងដែរថានៅក្នុងការប្រគំតន្រ្តីទាំង១៤បទនោះផងដែរ លោកវណ្ណដាបានចូលរួមសម្តែងខ្លះជាមួយនឹងលោកវណ្ណថាន ហើយនៅក្នុងបទទាំងនោះមានដូចជា J+O, Hot Boy, JO+2, Solo, Khmer Blood, Queen Bee, If I Die,ឃុននារី,កំលោះស្រុកខ្មែរ និងបទថ្មី HotBoy2 ដែលលោកទើបនឹងចេញផ្សាយនេះផងដែរ។ តើទស្សនិកជនយល់ឃើញយ៉ាងណាដែរចំពោះការសម្តែងរបស់លោកវណ្ណដានៅក្នុងយប់នោះ?
