នៅក្នុងពិធីបិទកីឡាជាតិលើកទី៣កាលពីម្សិលមិញនេះ ពិតជាបានប្រមូលផ្តុំដោយប្រជាពលរដ្ឋខ្មែរជាច្រើននាក់មកទស្សនានៅក្នុងសាលពហុកីឡាដ្ឋានទាំងមូល ដែលធ្វើអោយនេះបង្កើតបានជាទស្សនីយភាពដែលកំរកើតមានឡើងខ្លាំងទាំងសិល្បករសម្តែងក៏ច្រើនហូរហៀ ក្រុមអ្នករៀបចំកម្មវិធី និងក្រុមអ្នកបច្ចេកទេសថតក៏មានច្រើនហ៊ឹកហាក់រួមទាំងកីឡាករជាតិរបស់យើងក៏មកបង្ហាញវត្តមានយ៉ាងច្រើនមហាសាលក្រោមសំលេងការគាំទ្រយ៉ាងអ៊ឹកកងផ្តល់កំលាំងចិត្តធ្វើអោយព្រឹត្តិការណ៍មួយនេះនាំព្រលឹងសិល្បៈខ្មែរ និងកីឡាជាតិមករួបរួមគ្នាគួរអោយព្រឺខ្ញាកដោយមោទនភាព។
នៅពីក្រោយឆាកទស្សនីយភាពសម្តែងផងដែរ សិល្បកររបស់យើងក៏បានជួបជុំសំណេះសំណាលគ្នាដោយក្តីសាទររួមជាមួយគ្នានឹងក្រុមការងារទាំងមូលតាមបណ្តាផលិតកម្មផងដែរបង្កើតអោយមានអ្នកចូលរួមកាន់តែច្រើន និងភាពស្និទ្ធស្នាលកាន់តែរឹតចំណងសូម្បីតែប្រពលរដ្ឋខ្មែរដែលបានទស្សនាពីគេហដ្ឋានមកក៏ត្រូវរំភើបចិត្តដែរពេលឃើញកំពូលសិល្បកររបស់យើងបានជួបជុំគ្នា និងត្រូវរូវគ្នាបែបនេះ។
ជាក់ស្តែងក៏មានវិដេអូខ្លីមួយនិងរូបភាពមួយចំនួនរបស់លោកវណ្ណដា និងអ្នកនាងឳកសុគន្ធកញ្ញាថតក្រោយឆាកជាមួយគ្នាត្រូវបានចែករំលែកបន្តគ្នាជាច្រើនហាក់ដូចជាអ្នកទាំងពីរមានការគោរពស្រលាញ់គ្នាខ្លាំងណាស់ក្នុងនាមជាសិល្បកររាមច្បង និងសិល្បករជំនាន់ថ្មី។ មិនថាជាការផ្តល់តំលៃ និងអោយកិត្តិយសមកកាន់គ្នានោះទេសូម្បីតែក្រុមការងាររបស់ពួកគេទាំងសងខាងក៏ពេញចិត្តនឹងបានឃើញកំពូលសិល្បករទាំងពីរនាក់នេះបានជួបនៅខាងក្រៅជាមួយគ្នាបែបនេះដែរ។ អ្នកគាំទ្រសិល្បៈយូរឆ្នាំប្រាកដជាចង់ឃើញអាយដលរបស់អ្នកទាំងអស់គ្នាប៉ះជាមួយគ្នាចុះសំរាប់ទស្សនិកជនវិញចង់អោយលោក វណ្ណដា រឺអ្នកនាង ឱក សុគន្ធកញ្ញា ជួបនឹងអាយដលរូបណាទៀតរបស់អ្នកទាំងអស់គ្នា?
