មនុស្សទូទៅតែងតែសង្កេតឃើញថាលោកវណ្ណដាគឺជាអ្នកសិល្បៈមួយរូបដែលមិនងាយនឹងចែករំលែកបញ្ហាជីវិតស្នេហាផ្ទាល់ខ្លួនរបស់លោកនៅលើបណ្តាញសង្គមនោះទេ ដែលជាធម្មតាពួកគេតែងតែឃើញលោកបើកចំហតែរឿងការងារសិល្បៈរបស់លោកតែប៉ុណ្ណោះ។ តែទើបតែរយៈពេលថ្មីៗនេះ ក្រោយពីលេចចេញដំណឹងលោកហេងវិសាល និងកញ្ញាស្រីនាភ្ជាប់ពាក្យនឹងគ្នាភ្លាម លោកវណ្ណដាក៏ជាតារាម្នាក់ដែលមានប្រតិកម្មចំពោះបញ្ហារឿងស្នេហាមួយនេះផងដែរ។ លោកបានធ្វើការចែករំលែកផុសមួយនៅលើគណនីហ្វេសប៊ុករបស់លោកឈ្មោះ Mann Vannda ដោយផុសអបអរសារទរដោយបានសរសេរភ្ជាប់ជាមួយនឹងសារជូនពរថា«Congratulations to both of them» បន្ទាប់មកលោកក៏សរសេរលេងខមមែនជាមួយនឹងអ្នកគាំទ្រថានៅពេលគ្រប់គ្នាសួរថាពេលណាដល់វេនរបស់លោក លោកវណ្ណដាក៏ខមមែនរូបបែបកំប្លែងៗមានអត្ថន័យថា«Leave me alone»។ មិនតែប៉ុណ្ណោះនៅក្នុងយប់នោះផងដែរ លោកក៏បានធ្វើការអេដ Story នៅលើគណនី instagram របស់លោកជាមួយនឹងរូបថតរបស់លោកមួយសន្លឹកផងដែរអមជាមួយសារនៅលើរូបភាពនោះថា«Looking For Snaeha dae tae I got trust issues» ដែលអ្នកគាំទ្ររបស់លោកមិនសូវមានឳកាសឃើញលោកវណ្ណដាបង្ហាញផ្នែកមួយនេះរបស់លោកទេ គឺការលេងសើចជាមួយនឹង Topic ស្នេហា។ 

ការបង្ហាញបញ្ឆិតបញ្ឈៀងរបស់លោកទាក់ទងនឹងរឿងស្នេហា បានធ្វើអោយអ្នកគាំទ្រជាច្រើនមានការចាប់អារម្មណ៍ចង់ស្វែងយល់ពីអាយដលរបស់ពួកគេកាន់តែខ្លាំង? តើលោកវណ្ណដាពិតជាត្រូវការនារីស្មោះស្នេហ៍មែនទេ? តើលោកវណ្ណដាធ្លាប់មានបញ្ហាស្នេហាអ្វីខ្លះ? តើលោកវណ្ណដាត្រូវការអ្នកគាំទ្រស្រីណាម្នាក់មកព្យាបាលបេះដូងដែរទេ? រឺមួយក៏នេះត្រឹមជាអន្ទាក់ចងចិត្តស្រីៗរបស់លោកវណ្ណដា? គួររំលឹកផងដែរនៅក្នុងបទសម្ភាសន៍របស់លោកវណ្ណដា និងមីនាកន្លងមកនៅក្នុងកម្មវិធីសែលកាតផ្លេ លោកវណ្ណដាធ្លាប់ចែករំលែកជីវិតស្នេហាស្តួចស្តើងរបស់លោកខ្លះ ដោយលោកបានបង្ហើបថាលោកបទចម្រៀង «Move on» និងបទចម្រៀង«How’s it taste»​​​របស់លោកពិតជាបានច្បិចយកជីវិតស្នេហាពិតរបស់លោកមកបកស្រាយនៅក្នុងបទចម្រៀងទាំងនេះពិតមែន ហើយពីរបទនេះគឺបន្តភាគគ្នា ពោលគឺបានរៀបរាប់រឿងរ៉ាវស្នេហារបស់លោកពីមួយដំណាក់ទៅមួយដំណាក់ទៀតពិតមែន។ អ្វីដែលមិននឹកស្មានទៅទៀតនោះ អ្នកគាំទ្ររបស់លោកជាច្រើនមានការសង្ស័យថាលោកប្រហែលជាមានទំនាក់ទំនងស្នេហាលួចលាក់ជាមួយឆាឆាហើយ តើទស្សនិកជនទាំងអស់គ្នាគិតយ៉ាងម៉េចដែរ មានតែពេលវេលាប៉ុណ្ណោះអាចធ្វើការបកស្រាយបាន។