កាលពីថ្ងៃទី២៤ ខែឧសភាកន្លងទៅនេះ អ្នកចម្រៀងឯករាជ្យបទចម្រៀង Original លោកវណ្ណចេស្តា បានធ្វើការ Surprise ទំលាក់វិដេអូថ្មីមួយនៅលើ Tik Tok របស់លោក។ ដោយនៅលើវិដេអូ Tik Tok មួយនោះ លោកបានសម្តែងលេងជាមួយនឹងបទចម្រៀង Original មួយបទរបស់លោកដែលមានចំណងជើងថា«Hot Mama» ដែលបានចេញផ្សាយកាលពីថ្ងៃទី២៤ ខែវិច្ឆិកាកន្លងទៅនេះនៅក្នុងអាល់ប៊ុម BADBOi របស់លោក ។
គួរបញ្ជាក់ផងដែរថា អាល់ប៊ុម BADBOi របស់លោកមានទាំងអស់ចំនួន១១បទ ហើយចំណែកបទ«Hot Mama» របស់លោកមួយនេះគឺស្ថិតនៅក្នុងបទចម្រៀងលេខរៀងទី៨។ និងគួររំលឹកផងដែរថា បទចម្រៀងមួយនេះក៏ធ្លាប់បានលើកទៅសម្តែងនៅក្នុងការប្រគំតន្រ្តីធំមួយប្រចាំឆ្នាំ Budweiser Concert កាលពីចុងខែធ្នូ ឆ្នាំ២០២២នេះផងដែរ ដោយចូលរួមសម្តែងជាមួយនឹងលោក RG ដៃគូចម្រៀងស្និទ្ធស្នាលនៅក្នុងរង្វង់សិល្បៈរបស់លោក។
យ៉ាងណាមិញផងដែរ សង្កេតឃើញថាលោកវណ្ណចេស្តាក៏ជាសិល្បករមួយរូបដែលនិយមប្រើប្រាស់លេង Tik Tok ផងដែរ ដោយមួយរយៈថ្មីៗនេះលោកបានបង្ហោះវិដេអូជាច្រើនទាក់ទងនឹងការធ្វើបទចម្រៀង សម្តែងលេងជាមួយមិត្តសិល្បកររបស់លោក និងរាំលេងបែបស្ទីលកំប្លែងៗជាមួយនឹងបទចម្រៀងដែលទើបនឹងចេញផ្សាយចុងក្រោយរបស់លោក។ អ្វីដែលគួរអោយចាប់អារម្មណ៍មួយទៀតផងដែរ គឺថាលោកវណ្ណចេស្តាក៏ជាអ្នកគាំទ្រមួយរូបរបស់តារាចម្រៀងជនជាតិកាណាដាលោក The Weekend ផងដែរ ដោយលោកទើបតែបានចែករំលែករូបភាព Poster របស់លោក The Weekend កាលពីពេលថ្មីៗនេះទេ និងម្យ៉ាងទៀតលោកវណ្ណចេស្តាក៏ធ្លាប់បានចេញផ្សាយបទចម្រៀង Cover បែប Remix មួយបទលំនាំដើមពីបទរបស់លោក The Weekend ផងដែរដែលមានចំណងជើងថា«Call out my name»។
តើទស្សនិកជនមានចំណាប់អារម្មណ៍យ៉ាងណាដែរទៅលើតន្រ្តី និងការចូលចិត្តរបស់លោកវណ្ណចេស្តា?