នាវាចម្បាំងរបស់សហរដ្ឋអាមេរិច the USS Nitze ដែលហៅម្យ៉ាងទៀតថា US Destroyer ត្រូវបានរកឃើញថាកំពុងប្រតិបត្តិការនៅជិតនឹងសមុទ្រខ្មៅ យោងទៅតាមសេចក្តីរាយការណ៍មួយ។ តាមសេចក្តីរាយការណ៍របស់វិទ្យាស្ថានទ័ពជើងទឹកសហរដ្ឋអាមេរិចបានអោយដឹងថានេះគឺជានាវាចម្បាំងរបស់សហរដ្ឋអាមេរិចដែលនៅកៀកនឹងសង្គ្រាមរុស្ស៊ីអ៊ុយក្រែនជាងគេបង្អស់ហើយ។ នាវាចម្បាំង Nitze ត្រូវបានរកឃើញថាស្ថិតនៅម្តុំផ្នែកខាងក្រោមនៃច្រកសមុទ្រ Bosphorus កាលពីថ្ងៃទី៣ ខែកុម្ភៈកន្លងទៅនេះ នៅក្នុងខណៈពេលដែលវាកំពុងធ្វើដំណើរឆ្ពោះទៅចុះចតនៅក្នុងប្រទេសទួរគី។ នាវាចម្បាំងចុងក្រោយរបស់សហរដ្ឋអាមេរិចដែលឆ្លងកាត់ច្រកសមុទ្រនោះមាន USS Arleigh Burke ដែលបានធ្វើដំណើរចាកចេញពីសមុទ្រខ្មៅកាលពីថ្ងៃទី១៥ ខែធ្នូ ឆ្នាំ២០២១កន្លងទៅនេះ។ នាវាចម្បាំង Nitze គឺជានាវាពិឃាតមីស៊ីល Arleigh Burke ក្នុងគំរោងដាក់បញ្ចេញ។
វាត្រូវបានដាក់ប្រតិបត្តិការឡើងជាផ្នែកមួយនៃក្រុមនាវាដឹកនាំការវាយប្រហារ George H.W.Bush នៅក្នុងទីតាំងប្រតិបត្តិការកងនាវាទី៦របស់សហរដ្ឋអាមេរិច។ នាវា Nitze ជានាវាចម្បាំងមានសមត្ថភាពប្រឆាំងជាមួយនឹងអាវុធដែនអាកាស និងប្រឆាំងនាវាមូជទឹកដទៃទៀតជាដើម។ នាវានេះត្រូវបានជាប់ពាក់ព័ន្ធនៅក្នុងសង្គ្រាមដ៏សកម្មនៅក្នុងឆ្នាំ២០១៦ នៅក្នុងអំឡុងនៃសង្គ្រាមស៊ីវិល Yemeni នៃឆ្នេរសមុទ្រ Yemen ប្រឆាំងនឹងក្រុម Houthi។ កងនាវាទី៦របស់សហរដ្ឋអាមេរិចបានបញ្ជាក់នៅក្នុង Tweet មួយឡើងថានាវា Nitze នឹងចុះចតនៅឆ្នេរនៃទីក្រុង Instabul នៅមុនការឈប់នៅមូលដ្ឋានទ័ពជើងទឹក Golcuk។ ឯកអគ្គរដ្ឋទូតសហរដ្ឋអាមេរិចទៅកាន់ប្រទេសទូរគីលោក Jeff Flake និងមន្រ្តីកុងស៊ុលទៅកាន់ទីក្រុង Istanbul លោក Julie Eadeh បានចុះមកកាន់នាវានេះអស់រយៈពេលជាច្រើនម៉ោង។ ប៉ុន្តែលោកឯកអគ្គរដ្ឋទូតមិនបានបង្ហាញទំនាក់ទំនងរវាងវត្តមានរបស់នាវា និងសង្គ្រាមកំពុងបន្តរវាងប្រទេសរុស្ស៊ី និងអ៊ុយក្រែនទេ។
លោក Flake លើកឡើងថាការចុះទស្សនកិច្ចនេះគឺជាឳកាសល្អមួយដើម្បីរឹតបន្តឹងទំនាក់ទំនងនៃអង្គការណាតូ។ ដំណើរទស្សនកិច្ចនេះក៏ត្រូវបានធ្វើឡើងនៅចំពេលដែលសហរដ្ឋអាមេរិចទើបតែព្រមានពីការនាំចេញរបស់ប្រទេសទួរគីទៅកាន់ប្រទេសរុស្ស៊ី។ ទីក្រុងវ៉ាស៊ីនតោនក៏ចង់អោយលោក Ankara បញ្ចប់ទំនាក់ទំនងនៃការចូលរបស់ប្រទេសស៊ុយអែត និងហ្វាំងឡង់មកក្នុងអង្គការណាតូផងដែរ។ គំរោងចុះចតរបស់នាវា Nitze នៅក្នុង Golcuk គឺជាលើកទី៣ហើយនៅក្នុងទីតាំងប្រតិបត្តិការរបស់កងនាវាជំនាន់ទី៦ ចាប់តាំងពីការដាក់ប្រើប្រាស់នៅក្នុងខែកក្កដា ឆ្នាំ២០២២មក។ កងទ័ពជើងទឹករបស់សហរដ្ឋអាមេរិចបានលើកឡើងថាភាពដឹកនាំរបស់ Nitze គឺរំពឹងថានឹងត្រូវគ្នាជាមួយនឹងយោធាទួរគី និងមេដឹកនាំស៊ីវិល។ ក្រុមនាវាដឹកនាំការវាយប្រហារ George H.W. Bush នឹងក៏មកដល់គ្រោងចុះចតនៅកំពង់ផែ Piraeusរបស់ប្រទេសក្រិចផងដែរ ដែលជាអ្នកដើរតាមប្រទេសទួរគី ប៉ុន្តែជាគូប្រជែងនឹងសមាជិកប្រទេសណាតូដទៃទៀត។
