អនុរដ្ឋមន្ត្រីក្រសួងហិរញ្ញវត្ថុសហរដ្ឋអាមេរិក លោកWally Adeyemo បាននិយាយថាលោកមើលមិនឃើញស្ថានភាពពួកតាលីបង់ ដែលបានកាន់កាប់អំណាចឡើងវិញនៅក្នុងអាហ្វហ្គានីស្ថានកាលពីខែសីហា ,នឹងត្រូវបានអនុញ្ញាត្តិឲ្យចូលទៅក្នុងគណនេយ្យបម្រុងនៃធនាគារកណ្តាលដែលស្ថិតនៅក្នុងសហរដ្ឋអាមេរិកនោះទេ។

“យើងជឿជាក់ថាវាជឿរឿងសំខាន់ណាស់ ដែលយើងនៅតែរក្សារនូវការដាក់ទណ្ឌកម្មលើពួកតាលីបង់ ប៉ុន្តែនៅក្នុងពេលជាមួយគ្នានេះ យើងក៏ព្យាយាមរកមធ្យោបាយសំរាប់ជំនួយមនុស្សធម៌ដ៏ស្របច្បាប់ដើម្បីឲ្យបានទៅដល់ដៃប្រជាពលរដ្ឋអាហ្វហ្គានីស្ថាន នេះជាអ្វីដែលយើងត្រូវធ្វើ “ Adeyemo បាននិយាយប្រាប់ គណកម្មាធិការធនាគារនៃព្រឹទ្ធសភាកាលពីថ្ងៃអង្គារ៍។

ពួកតាលីបង់បានអំពាវនាវទៅកាន់សហរដ្ឋអាមេរិកដើម្បីឲ្យលើកលែងទណ្ឌកម្មក្នុងការរាំងខ្ទប់មូលនិធិជាង៩ពាន់លានដុល្លារជាទុនបំរុងនៃធនាគារកណ្តាលអាហ្វហ្គានីស្ថានដែលទុកនៅក្រៅប្រទេស ខណៈដែលរដ្ឋាភិបាលកំពុងរងនូវការហ៊ុព័ទ្ធនៃវិបត្តិសេដ្ឋកិច្ច។ សហរដ្ឋអាមេរិកនិងប្រទេសលោកខាងលិចកំពុងតែធ្លាក់ចូលទៅក្នុងស្ថានភាពដ៏លបាកក្នុងការសំរេចចិត្តខណៈដែលវិបត្តិមនុស្សធម៌កាន់តែរីកធំឡើងនៅក្នុងអាហ្វហ្គានីស្ថាន ពួកគេកំពុងតែព្យាយាមធ្វើការសំរេចចិត្តថាតើត្រូវធ្វើទំនាក់ទំនងយ៉ាងដូចម្តេចជាមួយពួកតាលីបង់ ដោយមិនផ្តល់ភាពស្របច្បាប់ដែលពួកនេះកំពុងស្វែងរក និងធានានូវជំនួយមនុស្សធម៌បានទៅដល់ដៃពលរដ្ឋនៅក្នុងប្រទេស។

“គោលបំណងរបស់ពួកយើងគឺច្បាស់ណាស់ គឺយើងនឹងដាក់ទណ្ឌកម្មប្រឆាំងទៅលើរបបតាលីបង់ហើយនិងបណ្តាញ Haqqani  ប៉ុន្តែក្នុងពេលជាមួយគ្នានេះនឹងអនុញ្ញាតិឲ្យមានការហូរចូលនៃជំនួយមនុស្សធម៌ចូលទៅក្នុងប្រទេសនោះ”។ លោក Adeyemoបាននិយាយដូច្នេះ"។