Yangon-

ក្រុមយោធា មីយ៉ាន់ម៉ាកាលពីថ្ងៃអាទិត្យបានលាបពណ៌របាយការណ៍ជាចុងក្រោយរបស់អំពីសិទ្ធមនុស្ស អ.ស.ប. លើរឿងទំនាស់នៅក្នុងប្រទេសថា "ជាការចាក់រុក ឆ្កឹះឆ្កៀល ឲ្យមានអំពើហិង្សាព្រមទាំងចោទប្រកាន់អង្គការនេះថា បានលូកដៃចូលទៅក្នុងកិច្ចការផ្ទៃក្នុងរបស់ប្រទេសខ្លួន។" ជាប្រទេសនៅក្នុងចំណោមប្រជាជាតិអាស៊ីប៉ែកអាគ្នេយ៍មួយនេះ បានធ្លាក់ចូលទៅក្នុងភាពចលាចលចាប់តាំងពីរដ្ឋប្រហារខែកុម្ភះ ដែលមានមនុស្សជាង ១,០០០ នាក់បានស្លាប់បាត់បង់ជីវិត ក្នុងការបង្រ្កាបទៅលើក្រុមប្រឆាំង ដោយយោលទៅតាមក្រុមអ្នកសង្កេតការណ៍នៅក្នុងស្រុក។

កាលពីថ្ងៃសុក្រ UN បាននិយាយថា គេមានការព្រួយបារម្ភថានឹងមានមហន្តរាយកើតឡើងដោយសារការរំលោភសិទ្ធមនុស្ស ចំពេលដែលមានរបាយការណ៍មកថា កងទ័ពជាច្រើនពាន់នាក់ និងគ្រឿងអាវុធយុទ្ធភ័ណ្ឌជាច្រើនត្រូវបានបញ្ជូនទៅកាន់តំបន់ដែលមានការបះបោនៅភាគខាងជើងនិងពាយ័ព្យ។ របបយោធាបានវាយប្រហារទៅលើរបាយការណ៍កាលពីថ្ងៃអាទិត្យ និងបានចោទប្រកាន់ថា UN បានប្រើប្រាស់រឿងសិទ្ធមនុស្សជាឧបករណ៍នយោបាយធ្វើអន្តរាគមន៍មកលើកិច្ចការផ្ទៃក្នុងរបស់ មីយ៉ាន់ម៉ា។

ក្រសួងការបរទេសដែលតែងតាំងឡើងដោយពួកយោធាបានថ្លែងនៅក្នុងសេចក្តីថ្លែងការណ៍ថា របាយការណ៍របស់ក្រុមសិទ្ធមនុស្ស UN នឹងនាំមកនូវការបែកបាក់នៅក្នុងប្រជាជាតិកាន់តែខ្លាំង និងញុះញង់បំបែកបំបាក់ធ្វើឲ្យមានអំពើហិង្សា។ អស់រយៈជិត៩ខែកន្លងមកហើយ ពួកយោធាមិនមានសមត្ថភាពនឹងបង្រ្កាបក្រុមប្រឆាំងឲ្យស្ថិតនៅក្រោមការត្រួតត្រារបស់ពួកគេ ខណៈដែលអ្វីដែលគេហៅថា “កងកម្លាំងការពារប្រជាជន” បានប៉ះទង្គិចជាមួយជាប្រចាំជាមួយកងកម្លាំងយោធា។

អង់គ្លេសបាននិយាយផងដែរកាលពីសប្តាហ៍មុនថា គេនឹងមិនហៅពួកយោធាមីយ៉ាន់ម៉ាឲ្យចូលរួមនៅក្នុងកិច្ចប្រជុំរដ្ឋមន្ត្រី ក្រសួងការបរទេស G-7 និងអាស៊ាននៅពេលខាងមុខនេះទេ៕