Reuters-
យោងទៅតាមប្រភពពីReuters កាលពីថ្ងៃព្រហសប្បត៍បានឲ្យដឹងថា ពួកតាលីបង់បានស្នើរសុំវេទិការដើម្បីថ្លែងទៅកាន់មេដឹកនាំពិភពលោកនៅឯអង្គការសហប្រជាជាតិនាទីក្រុងញូវយ៉កក្នុងសប្តាហ៍នេះ ហើយបានតែងតាំងអ្នកនាំពាក្យរបស់គេដែលមានមូលដ្ឋាននៅទីក្រុង ដូហា លោក Suhail Shaheen ជាឯកអគ្គរដ្ឋទូតប្រចាំ អ.ស.ប ។

រដ្ឋមន្ត្រីក្រសួងការបរទេសតាលីបាន លោក Amir Khan Muttaqi បានធ្វើសំណូមពរនៅក្នុងលិខិតមួយទៅកាន់លោកអគ្គលេខាធិការ អ.ស.ប Antonio Guterres កាលពីថ្ងៃច័ន្ទ។ Muttaqi បានសុំឲ្យតំណាងអង្គទូតរបស់ខ្លួនឡើងថ្លែងនៅក្នុងកិច្ចប្រជុំនៃមហាសន្និបាត អ.ស.ប ដែលនឹងត្រូវបិទបញ្ចប់នៅថ្ងៃច័ន្ទនេះ ។

អ្នកនាំពាក្យលោកGuterress លោក Falange Haq បានបញ្ជាក់ថាបានទទួលលិខិតនេះមែន។លោកបានបន្តទៀតថា សំណូមពរនេះត្រូវបាបបញ្ជូនទៅគណៈកម្មាធិការទទួលសារតាំងដែលមានសមាជិក៩រូបដែលនៅក្នុងនោះមាន អាមេរិក រុស្សី ចិន ផងដែរ។គណៈកម្មាធិការនេះទំនងជាមិនបានជួបប្រជុំគ្នាលើរឿងនេះមុនថ្ងៃច័ន្ទនេះទេ ដែលនាំឲ្យមានមន្ទិលសង្ស័យថារដ្ឋមន្ត្រីក្រសួងការបរទេសអាហ្វហ្គានីស្ថានអាចឡើងថ្លែងសុន្ទរកថាបានឬមិនបាន ។

លោកGuterresបានថ្លែងថាសេចក្តីត្រូវការរបស់តាលីបង់ចង់ឲ្យមានការទទួលស្គាល់ពីអន្តរជាតិ គឺប្រទេសនេះត្រូវតែទទួលយកសម្ពាធពីសហគមន៍អន្តរជាតិ ដោយធ្វើការគោរពសិទ្ធមនុស្ស ជាពិសេសសិទ្ធស្រ្តីក្នុងអាហ្វហ្គានីស្ថាន។ រហូតដល់សេចក្តីសំរេចចិត្តមួយបានធ្វើឡើងដោយគណៈកម្មាធិការទទួលសារតាំង លោកIsaczai ដែលជាតំណាងរដ្ឋាភិបាលអាហ្វហ្គានីស្ថាន នឹងនៅតែនៅក្នុងតំណែងដែលលោកកំពុងតែមានគំរោងឡើងថ្លែងសុន្ទរកថានៅថ្ងៃទី២៧ខែកញ្ញា។ ក៏ប៉ុន្តែមិនទាន់ច្បាស់នៅឡើយថា តើមានប្រទេសណាខ្លៈដែលប្រឆាំងទៅនឹងលិខិតស្នើរសុំរបស់ពួកតាលីបង់នេះ។