Tristan Thompson បានបង្ហាញថា គាត់គឺជាឪពុករបស់កូនប្រុសដែលទើបនឹងកើត ហើយបានសុំទោសចំពោះ Khloé Kardashian ។

អ្នកលេងបាល់បោះ Sacramento Kings បានបង្ហោះសារនៅលើ Instagram របស់គាត់កាលពីថ្ងៃច័ន្ទដោយបញ្ជាក់ថា ការធ្វើតេស្តឈាមបានបង្ហាញថា គាត់គឺជាឪពុករបស់កូនដែលទើបនឹងកើតនៅក្នុងខែធ្នូ ជាមួយនឹងតារាម៉ូដែលកាយសម្បទា Maralee Nichols ។

គាត់បានសរសេរថា "ខ្ញុំទទួលខុសត្រូវទាំងស្រុងចំពោះសកម្មភាពរបស់ខ្ញុំ" ។ "ឥឡូវនេះ ការធ្វើតេស្តឈាមត្រូវបានបង្ហាញមកហើយ ខ្ញុំនឹងទន្ទឹងរង់ចាំការចិញ្ចឹមកូនប្រុសរបស់យើង។ ខ្ញុំសូមអភ័យទោសដោយស្មោះអស់ពីចិត្តចំពោះអ្នកទាំងអស់ដែលខ្ញុំបានធ្វើឱ្យមានការឈឺចាប់ ឬខកចិត្តក្នុងឧប្បត្តិហេតុនេះ។"

Thompson បានសុំទោសជាពិសេសចំពោះ Kardashan ដែលជាម្តាយរបស់កូនស្រីអាយុ 3 ឆ្នាំរបស់គាត់ឈ្មោះ True ហើយគាត់ត្រូវបានគេរាយការណ៍ថា មានទំនាក់ទំនងស្នេហាជាមួយ Kasdashan នៅពេលដែលគាត់ទាក់ទងជាមួយ Nichols ។

គាត់បានសរសេរថា "Khloé អ្នកមិនសមនឹងទទួលបានវាទេ" ។ "អ្នកមិនសមនឹងទទួលបានការឈឺចិត្ត និងភាពអាម៉ាស់ដែលខ្ញុំបានធ្វើនោះទេ។ អ្នកមិនសមនឹងអ្វីដែលខ្ញុំបានប្រព្រឹត្តចំពោះអ្នកប៉ុន្មានឆ្នាំមកនេះទេ"។

លោក​បាន​បន្ថែម​ថា​៖ "​ខ្ញុំ​មាន​ការ​គោរព និង​ស្រឡាញ់​ខ្លាំងបំផុត​ចំពោះ​អ្នក​។ ជាថ្មីម្តងទៀត ខ្ញុំពិតជាសោកស្តាយខ្លាំងណាស់។" អ្នកតំណាងម្នាក់របស់ Kardashian បានបដិសេធមិនធ្វើអត្ថាធិប្បាយទៅកាន់ CNN ។

ទំនាក់ទំនង​ដ៏​ច្របូកច្របល់​របស់​គូស្នេហ៍​មួយ​គូ​នេះ​ត្រូវ​បាន​គេ​ចងក្រង​ជា​ឯកសារ​ក្នុង​រឿង "Keeping Up with the Kardashians"។ Kardashian បានដឹងថា Thompson មិនស្មោះត្រង់នឹងនាងទើបតែប៉ុន្មានថ្ងៃ មុនពេលនាងសម្រាលកូន បន្ទាប់មកមានការចោទប្រកាន់ថាគាត់បានព្យាយាមបង្កើតទំនាក់ទំនងស្នេហាជាមួយ Jordyn Woods ។

Thompson និង Kardashian ត្រូវបានគេរាយការណ៍ថា បានបែកគ្នានៅរដូវក្តៅ។ ការ​ធ្វើ​តេស្តឈាម​បាន​ធ្វើឡើង ​បន្ទាប់​ពី​ Nichols បាន​ដាក់​ពាក្យ​ប្តឹង​ដើម្បីទាមទារភាព​ជា​ឪពុកម្តាយ ​ប្រឆាំង​នឹង Thompson នៅ​ទីក្រុង Los Angeles កាល​ពី​ឆ្នាំ​មុន។ Thompson ក៏មានកូនប្រុសអាយុ 5 ឆ្នាំឈ្មោះ Prince ជាមួយនឹងអតីតមិត្តស្រី Jordan Craig ៕

អត្ថបទដកស្រង់ពី Lisa Respers France

បកប្រែនិងកែសម្រួល Mr. Blue