CNN-

យ៉ាងហោចណាស់មានមនុស្ស៣២ស្លាប់និង១៥៩នាក់រងរបួសនៅក្នុងការប៉ះទង្គិចដោយអំពើរហឹង្សារ រវាងពួកជីវពលដែលជាគូរប្រជែងនៅក្នុង Lybia នៅទូទាំងរដ្ឋធានីនៃប្រទេស Tripoli នេះបើយោលទៅតាមការធ្វើបច្ចុប្បន្នភាពពីក្រសួងសុខាភិបាលនៃប្រទេស។ ការប្រយុទ្ធយ៉ាងស៊ីសាច់ហុតឈាមបានផ្ទុះឡើងនៅក្នុងរដ្ឋធានីពាក់កណ្តាលអធ្រាត ខណៈដែលភាគីនៃគូរប្រជែងបានវាយប្រយុទ្ធគ្នាយ៉ាងសហាវ និងស្នូរសម្លេងផ្ទុះជាច្រើនបានលឺកងរំពងនៅពាសពេញរដ្ឋធានី។ រូបថតនិងរូបភាពវីឌីអូរបានបង្ហោះនៅលើប្រព័ន្ធផ្សព្វផ្សាយសង្គមបានបង្ហាញពីទំហំនៃការប្រយុទ្ធនិងការប៉ះទង្គិចនៅតាមអគារជាច្រើនរួមទាំងផ្ទះរបស់ប្រជាពលរដ្ឋមួយខ្នង និងរថយន្តជាច្រើនត្រូវបានខ្ទេចខ្ទីរនិងឆេះ។

Lybia ត្រូវបានបែកបាក់គ្នារវាងភាគីជម្លោះចាប់តាំងពីឆ្នាំ២០១៤ បន្ទាប់ពីនៅឆ្នាំ២០១១បានការបះបោរដែលគាំទ្រដោយ NATO នៅក្នុងឆ្នាំ២០១១ប្រឆាំងទៅនឹង  Mohammar Gadhafi ។ រដ្ឋាភិបាលបង្រួបបង្រួមជាតិដែលគាំទ្រដោយ UN (GNU)  បាននិយាយនៅក្នុងទំព័រ Facebook ផ្លូវការរបស់ខ្លួនថា ការប៉ះទង្គិចបានបង្ករឡើងដោយពួកយោធាមួយក្រុមបានបាញ់ទៅលើក្បួនរថយន្តដែលឆ្លងកាត់នៅក្នុងកន្លែងមួយតាមដងផ្លូវ Zawia ខណៈដែលក្រុមប្រដាប់អាវុធបានប្រមូលផ្តុំគ្នានៅច្រកទី២៧ប៉ែកខាងលិច និងច្រកមួយទៀតនៅប៉ែកខាងត្បូងនៃ Tripoli។

លោកនាយករដ្ឋមន្ត្រីស្តីទីនៃប្រទេស Abdulhamid Dbeibeh ដែលជាប្រធាននៃ GNU ដែលមានមូលដ្ឋាននៅផ្នែកខាងលិចនៃ Libya ។ អគាររដ្ឋសភានៅក្នង Tobruk នៅប៉ែកខាងកើតនៃប្រទេសដែលជាកន្លែងនៃគូរប្រជែងរបស់រដ្ឋាភិបាលដែលដឹកនាំដោយនាយករដ្ឋមន្ត្រី Fathi Bashagha ។ Bashagha បានព្យាយាមចូលនិងកាន់កាប់ទីក្រុង Tripoli ខណៈដែលលោកបានអះអាងថា GNU ជារដ្ឋាភិបាលខុសច្បាប់និងត្រូវចុះចេញពីតំណែង។ រដ្ឋាភិបាលបង្រួបបង្រួមជាតិ (GNU) បានបដិសេធនិងអះអាងថាអំណាចគួរតែប្រគល់ឲ្យដោយសន្តិវិធីតាមរយៈការបោះឆ្នោតមិនមែនប្រើកម្លាំងនោះទេ។

ក្រុមអឌ្ឍិចន្ទក្រហមនៅក្នុង Twitter កាលពីថ្ងៃសៅរ៍ បានអំពាវនាវឲ្យគ្រប់ភាគីទាំងអស់ គាំទ្រក្រុមអឌ្ឍិចន្ទក្រហមដើម្បីធ្វើការងារដែលជាកាតព្វកិច្ចមនុស្សធម៌នៅក្នុងទីក្រុង។ សាលាក្រុង Tripoli ទទួលខុសត្រូវទាំង២ ទាំងកិច្ចព្រមព្រៀងនៃរដ្ឋាភិបាលបង្រួបបង្រួមជាតដែលទទួលស្គាល់ដោយ UN  និងកងទ័ពជាតិ Libyan ដែលទទួលខុសត្រូវ ចំពោះស្ថានការណ៍ដ៏អាក្រក់អាក្រីនៅក្នុងរដ្ឋធានី បើយោលទៅតាមទីភ្នាក់ងារព័ត៌មាន LANA ដែលជាទីភ្នាក់ងារសារព័ត៌មានទទួលស្គាល់រដ្ឋាភិបាលជាអន្តរជាតិ។ គេក៏បានអំពាវនាវចំពោះសហគមន៍អន្តរជាតិឲ្យជួយការពារជនស៊ីវិល LANA បានរាយការណ៍។ អគ្គលេខាធិការ អ.ស.ប. Antonio Guteress បានអំពាវនាវឲ្យបញ្ឈប់នូវអំពើហឹង្សារជាបន្ទាន់។