ស្ត្រីម្នាក់បានដាក់ពាក្យប្ដឹងតារាចម្រៀង Trey Songz ចំនួន ២០ លានដុល្លារ ដោយចោទប្រកាន់ពីបទចាប់រំលោភ។ នៅក្នុងពាក្យបណ្តឹងដែលទទួលបានដោយ CNN, ដើមបណ្តឹង "Jane Doe" ត្រូវបានគេនិយាយថា "មានអ្វីដែលអាចត្រូវបានពិពណ៌នាថា មានទំនាក់ទំនងផ្លូវភេទធម្មតា និងម្តងម្កាលជាមួយចុងចោទ Trey Songz" ។ យោងតាមពាក្យបណ្តឹង ទំនាក់ទំនងរបស់ពួកគេបានផ្លាស់ប្តូរនៅឆ្នាំ 2016 នៅពេលដែល Doe អះអាងថា So ngz បានរំលោភនាង ហើយនាងត្រូវការការថែទាំសុខភាពជាបន្ទាន់។
ករណីដែលត្រូវបានចោទប្រកាន់នេះ បានកើតឡើងនៅឯពិធីជប់លៀងនៅផ្ទះមួយនៅ West Hills រដ្ឋកាលីហ្វ័រញ៉ា។ ពាក្យបណ្តឹងបានបង្ហាញថា "ដើមចោទ Jane Doe ជឿថានាងនឹងរួមភេទដោយយល់ព្រមជាមួយចុងចោទ Trey Songz ដូចដែលពួកគេធ្លាប់មានពីមុនមក" ។ "នៅតាមផ្លូវឡើងជណ្តើរ ចុងចោទ Trey Songz បានសួរដើមចោទ Jane Doe ម្តងហើយម្តងទៀត ប្រសិនបើចុងចោទអាចរួមភេទបានទេ, ដើមបណ្តឹង Jane Doe បានប្រាប់ចុងចោទ Trey Songz ថា ទេ រហូតដល់ចុងចោទឈប់សួរ"។
ក្រោយពីរងការវាយដ៏នាងបានរត់គេចពីផ្ទះហើយបានហៅរថយន្ត Uber។ នាងបាននិយាយថា ដោយឃើញសភាពភិតភ័យជាខ្លាំងរបស់នាង, អ្នកបើកបរ Uber បាននាំនាងទៅកន្លែងថែទាំសង្គ្រោះបន្ទាន់របស់មជ្ឈមណ្ឌលវេជ្ជសាស្ត្រ Providence Joseph ក្នុងទីក្រុង Burbank រដ្ឋកាលីហ្វ័រញ៉ា ដែលជាកន្លែងដែលការពិនិត្យការរំលោភបំពានផ្លូវភេទត្រូវបានធ្វើឡើង ហើយបានហៅទូរស័ព្ទទៅប៉ូលីស។
នៅក្នុងពាក្យបណ្តឹងបានបន្តថា "ដោយមានការភ្ញាក់ផ្អើល និងភ័យខ្លាចចំពោះជីវិតរបស់នាង ដើមចោទ Jane Doe មិនបានផ្តល់ឈ្មោះរបស់ចុងចោទ Trey Songz ដល់ប៉ូលីសនោះទេ" ។ "ប៉ូលីសបានព្យាយាមចូលទៅកាន់គណនី Uber របស់ Jane Doe ដើម្បីស្វែងរកទីតាំងនៃការរំលោភដ៏ឃោរឃៅនេះ ប៉ុន្តែដើមចោទ Jane Doe មានការភ័យខ្លាចខ្លាំងពេកក្នុងការផ្តល់ពត៌មានទៅកាន់ពួកគេ។ ចុងចោទ Jane Doe ត្រូវបានយល់ព្រមឲ្យចាកចេញដោយមជ្ឈមណ្ឌលវេជ្ជសាស្ត្រ និងប៉ូលីស ហើយក៏បានត្រឡប់ទៅផ្ទះវិញ" ។
នៅក្នុងសេចក្តីថ្លែងការណ៍មួយទៅកាន់ TMZ, អ្នកតំណាងម្នាក់របស់ Songz បាននិយាយថា "ការចោទប្រកាន់នៅក្នុងពាក្យបណ្តឹងនេះគឺមិនពិត។ Trey ទន្ទឹងរង់ចាំការបង្ហាញការពិតទៅកាន់សាធារណៈជន" ៕
អត្ថបទដកស្រង់ពី Lisa Respers France
បកប្រែនិងកែសម្រួលដោយ Mr. Blue