Real Talent goes with Sweet Voice! លោក ថុល សុភិទិ តារាចម្រៀងប្រកបដោយសមត្ថភាពពិតៗគួបផ្សំនឹងទឹកដមសំលេងផ្អែមក្រអួនក្រអៅមិនបានធ្វើអោយទស្សនិកជនអស់សង្ឃឹមនោះទេទីបំផុតលោកបាននាំយកសមត្ថភាព និងទេពកោសល្យពីកំណើតរបស់លោកមកបំរើអារម្មណ៍អ្នកគាំទ្ររបស់លោកហើយតាមរយៈបទចម្រៀងដំបូងបំផុតរបស់លោកដែលមានចំណងជើងថា "ស្មោះទ្រង់ទ្រាយធំ"។ 

គួរបញ្ជាក់ផងដែរបទចម្រៀងមួយនេះត្រូវបានចេញផ្សាយឡើងនៅលើឆាណែលយូធូបផ្លូវការរបស់ផលិតកម្មរស្មីហង្សមាសនៅថ្ងៃទី១៩ ខែវិច្ឆិកាថ្មីៗកន្លងទៅនេះ។នៅលើបទដំបូងរបស់លោកថុលសុភិទិនេះមានទស្សនិកជនជាច្រើនបានបង្ហាញការគាំទ្រ និងពេញចិត្តជាពិសេសចូលចិត្តនូវសំលេងផ្អែមរបស់លោកដែលសក្តិសមទៅនឹងបទចម្រៀងបែបមនោសញ្ចេតនានេះខ្លាំងណាស់។ 

ជាក់ស្តែងលោកថុលសុភិទិក៏ទទួលបានការគាំទ្រពិសេសពីក្រុមអ្នកគាំទ្រសំងាត់របស់លោកមួយក្រុមផងដែរដែលកំពុងទទួលបានការចាប់អារម្មណ៍ជាច្រើននោះគឺក្រុម Room19 ដែលពួកគេគឺជាក្រុមអ្នកគាំទ្រស្ម័គ្រស្មោះរបស់លោកសុភិទិមកពីមជ្ឈដ្ឋានខុសៗគ្នាដែលតែងតែនៅក្បែរលោកចាំគាំទ្រ ផ្តល់ក្តីស្រលាញ់ និងផ្តល់កំលាំងចិត្តគ្រប់កាលៈទេសៈ។ សកម្មភាពរបស់ក្រុមអ្នកគាំទ្រ Room19 កន្លងមកមានដូចជាចែករំលែករូបភាព និងពត៌មានរបស់លោក ថុល សុភិទិ ក៏ដូចជាមានបង្កើតកម្មវិធីធ្វើ Challenge សប្បាយៗផងដែរ។