កាលពីថ្ងៃទី៧ ខែមីនាកន្លងទៅនេះ តារាចម្រៀងវ័យក្មេងប្រចាំក្រុមហ៊ុនតន្រ្តីហង្សមាសលោកទេពពិសិដ្ឋបានធ្វើការទំលាក់បទចម្រៀងរ៉េបថ្មីរបស់លោកដែលមានចំណងជើងថា«Money»។ គួរបញ្ជាក់ផងដែរថាលោកទេពពិសិដ្ឋគឺជាអតីតជ័យលាភីនៃកម្មវិធីប្រលងចម្រៀង The Voice Kid Cambodia រដូវកាលទី២ដែលគិតមកទល់ពេលនេះរយៈកាលនៃដំណើររបស់លោកក្នុងវិថីសិល្បៈមានរយៈពេល៤ឆ្នាំមកហើយ។ អ្នកចម្រៀងវ័យត្រឹមតែ១៨ឆ្នាំមួយរូបនេះបានកសាងស្នាដៃបទចម្រៀងជាច្រើនក្នុងរយៈពេល៤ឆ្នាំកន្លងមកនេះ ដែលនៅក្នុងនោះមានដូចជាបទល្បីៗរបស់លោកមួយចំនួនដូចជាបទ«អាណិតខ្លួនឯង» «កំដរសង្សារគេសេដខ្លួនឯង» និងបទ«ជនទី៣»ជាដើម។យ៉ាងណាមិញចំណែកបទថ្មីៗរបស់លោកដែលកំពុងទទួលបានប្រជាប្រិយភាពសព្វថ្ងៃនេះមានដូចជាបទ«ទេពអប្សរបន្លំ» «អូនមកពីណា» «Damn Girl» និងបទ «Different Way»។ 

គួររំលឹកផងដែរថាបទ«Money»នេះគឺជាបទរ៉េបមួយនៅក្នុងចំណោមបទរ៉េបជាច្រើនដែលលោកបានចេញផ្សាយនៅក្នុងយុគស្ទាយល៍Hip Hop ថ្មីរបស់លោក ខណៈដែល Color ចាស់របស់លោកគឺនៅលើបទមនោសញ្ចេតនា ដោយបទប្រភេទមនោសញ្ចេតនាចាស់ៗទាំងនេាះមានដូចជាបទ «មនុស្សទី១» «ចាំបាត់បងចាំស្តាយ»​​​ «អោយគេទៅចុះ» និងបទ«គេល្អ»ជាដើម។ កាលពីខែវិច្ឆិកា ឆ្នាំ២០២២កន្លងទៅនេះ លោកទេពពិសិដ្ឋបានផ្តល់បទសម្ភាសន៍នៅក្នុងកម្មវិធី3 Fun Cambodia ថាលោកក៏មានបំណងចាប់យកអ្វីៗថ្មីទៀតសំរាប់ខ្លួនឯង ហើយលោកក៏ចង់ងាកមកក្នុងវិស័យហ៊ីបហប់សំរាប់ការ Comebackនាពេលខាងមុខៗនេះ។ តើទស្សនិកជនពេញចិត្តបទថ្មីរបស់លោកទេពពិសិដ្ឋកំរិតណា? Let me know in your comment below!