អ្នកចម្រៀងសំលេងផ្អែម The Homie នៃក្រុមផលិតកម្ម WassGood Music រក្សាតំណែងរបស់ខ្លួននៅលើបទមនោសញ្ចេតនាជាច្រើនបទរួចមកហើយ និងបានកើឡើងចំនួនអ្នកគាំទ្ររបស់លោកជាបន្តបន្ទាប់ ហើយនៅពេលថ្មីៗនេះផងដែរមហាជនមិនបានខកបំណងនោះឡើយនឹងបានទទួលស្តាប់បទចម្រៀងថ្មីពីលោកមួយបទទៀតដែលមានរសជាតិផ្អែមល្ហែមបបួលអោយអៀនទោះបីជានៅ Single ដោយតាមរយៈបទ«ឆ្នាស់» បានសរសើរនារីម្នាក់មិនដាច់ពីមាត់។ គួរបញ្ជាក់ផងដែរបទចម្រៀងមួយនេះត្រូវបានចេញផ្សាយឡើងកាលពីថ្ងៃទី២៧ ខែមករានេះទេ និងក្លាយជាបទដំបូងគេរបស់លោកនៅលើឆាណែលយូធូបផ្លូវការថែមទៀតផង ដោយកន្លងមកបទចម្រៀងមុនៗរបស់លោកត្រូវបានចេញផ្សាយឡើងនិងរក្សាសិទ្ធិនៅលើឆាណែលផលិតកម្មតែប៉ុណ្ណោះ។ 

យ៉ាងណាមិញសង្កេតឃើញថាសាធារណជនហាក់ដូចជាមានការពេញចិត្តបទនេះជាពិសេស និងបានលើកឡើងថាបទនេះនឹងអាចក្លាយជា Hit Song របស់លោកទី២ បន្ទាប់ពីបទ«ចូលឆ្នាំចាំចូលបេះដូង» ថែមទៀតដែលបានចេញផ្សាយឡើងកាលពីថ្ងៃទី០៧ ខែមករា ឆ្នាំ២០២២កន្លងទៅ។ ទោះជាយ៉ាងណាក៏ដោយបើប្រៀបធៀបនឹងបទចម្រៀងមុនៗរបស់លោកដែលមានដូចជា Drill ស្នេហា, Amiri និងមិត្តអូនជាដើមសុទ្ធសឹងជាបទម្រៀងមានរសជាតិទន់ភ្លន់ និងផ្អែមល្ហែមស្រដៀងគ្នា ដែលអាចលួងលោមបេះដូងអ្នកស្តាប់អោយកក់ក្តៅបានមិនចម្លែកនោះឡើយ។ ម្យ៉ាងវិញទៀតកត់សំគាល់ឃើញថាតាមរយៈបទចម្រៀង«ឆ្នាស់» របស់លោកនេះទៀតសោត ដោយមិនចាំបាច់ប្រើ Autotune ទេ ក៏សម្លេងរបស់លោកពោរពេញដោយទឹកដមនិងថាមពលឈ្វេងល្អអាចដឹកនាំអ្នកស្តាប់ទៅកាន់ពិភពមនោសញ្ចេតកប់ជ្រៅរបស់លោកថែមទៀតផង។ តើទស្សនិកជនមានការពេញចិត្តបទចម្រៀងមួយនេះកម្រិតណា កុំភ្លេចធ្វើការខមមែនប្រាប់អេដមីនផងណា!