The Wildest One, The Homie បានត្រលប់មកជាមួយបទចម្រៀងថ្មីមួយទៀតជាផ្លូវការបន្ទាប់ពីបទចម្រៀងចុងក្រោយរបស់លោក«ឈឺដូចគ្នា» បានចេញផ្សាយកាលពីពាក់កណ្តាលខែកក្កដានេះ និងទទួលបានការចូលទស្សនាយ៉ាងច្រើនកុះករ។ លោក The Homie ដោយមានឈ្មោះពេញថា Mean Sovann watana បានទើបតែធ្វើការចេញផ្សាយបទចម្រៀងថ្មីមួយបទទៀតរបស់លោកក្រោមចំណងជើងថា«របួសបេះដូង» នៅលើឆាណែលយូធូបផ្លូវការកាលពីយប់ថ្ងៃទី១៣​​​ ខែកញ្ញាកន្លងទៅនេះ។

ដោយមកទល់នឹងពេលនេះ ក្នុងរយៈពេលក្រោម២៤ម៉ោងប៉ុណ្ណោះ បទចម្រៀងមួយនេះរបស់លោកទទួលបានការចូលទស្សនាលើសពី 10Kទៅហើយ និងជាពិសេសកត់សម្គាល់ឃើញថានេះគឺជាបទស្នេហារសជាតិថ្មីមួយទៀតហើយសំរាប់លោក The Homie ដែលជារសជាតិឈឺផ្សានៃការបែកបាក់ស្នេហាគ្រាដំបូង។ លោក The Homie បានសរសេរឡើងភ្ជាប់ជាមួយនឹងខេបសិនក្រោមបទចម្រៀងនោះថា​​​«ស្នេហ៍ដំបូងអោយអ្នកឈឺខុសពីការបែកបាក់ទូទៅ»។

គួរបញ្ជាក់ផងដែរថា បច្ចុប្បន្ននេះលោក The Homie ក៏ជា Sound Engineer មួយរូបរបស់ផលិតកម្មបារមី ខណៈដែលសង្កេតបានថារាល់បទចម្រៀងមុនៗរបស់លោកដែលចេញផ្សាយនៅលើឆាណែលយូធូបសុទ្ធសឹងតែ Produce ឡើងដោយលោកខ្លួនឯងផ្ទាល់តែម្តង និង Credit ទៅលើរូបលោកតែម្នាក់ The Homie។

ទាំងនេះជាសមិទ្ធផល និងស្នាដៃដ៏ជោគជ័យសំរាប់សិល្បករមួយរូបរបស់យើង ដែលលោកមាន Talent ទាំងផ្នែកសរសេរ ធ្វើភ្លេង Compose បទភ្លេងឡើងដោយខ្លួនឯង។ គួររំលឹកផងដែរថា កាលពីពេលថ្មីៗនេះ បទ«បេះដូងឆែក» របស់លោក The Homie ដែលចេញផ្សាយកាលពីចុងខែមីនានេះ ទើបតែបំបែកបានចំនួនទស្សនារហូតដល់១លានដងនៅលើយូធូបនោះទេ។ ខណៈដែលស្នាដៃបទថ្មីៗរបស់លោកមានជាបន្តបន្ទាប់ ជាក់ស្តែងនៅមួយរយៈចុងក្រោយនេះមានដូចជា បទឆ្នាស់ បទគ្រប់ដប់ បទពេលរាត្រី និងបទដល់ចាស់ជាដើម។