កង់អាចមានភាពងាយស្រួលក្នុងការបង្កគ្រោះថ្នាក់ជាងរថយន្ត និងវត្ថុផ្សេងៗ។ ការជិះកង់ ពាក់ព័ន្ធនឹងការប្រើប្រាស់កម្លាំងខាងរាងកាយច្រើន និងមិនសូវជិះបានឆ្ងាយនោះទេ។ ចំណែកឯរថយន្ត គឺជាសញ្ញាសម្គាល់ពីមនុស្សស៊ីវិល័យ និងមានភាពងាយស្រួលក្នុងការធ្វើដំណើរផ្លូវឆ្ងាយ។
នេះហើយ គឺជាមូលហេតុដែលក្រុមហ៊ុន Tesla បានធ្វើការរួមបញ្ចូលគ្នានូវគុណសម្បត្តិសំខាន់ៗនៃកង់ និងរថយន្ត ដើម្បីបង្កើនល្បឿននៃនិរន្តរភាព និងប្រសិទ្ធភាពនៃការដឹកជញ្ជូននៅក្នុងទីក្រុង។
តោះមកមើលមុខងារសំខាន់ៗរបស់កង់ Tesla Model B នេះ៖
ការជិះកង់ដោយសុវត្ថិភាពជាមួយ Autopilot
កង់ប្រភេទនេះ មានផ្ទុកដោយ៖
- រ៉ាដាខាងមុខ ចំហៀង និងខាងក្រោយ
- កាមេរ៉ា
- និងឧបករណ៍ចាប់សញ្ញា ultrasonic ដែលអាចកត់សម្គាល់ពីវត្ថុនៅជុំវិញខ្លួនបានដូចជា កង់ រថយន្ត ប្រហោង ក្រឡុក និងវត្ថុផ្សេងៗទៀត។
ដៃកង់ អាចចាប់យកសញ្ញាកម្លាំងរបស់អ្នកប្រើប្រាស់បាន ដូច្នេះអ្នកអាចបែរកង់ទៅទិសដៅដែលអ្នកចង់ទៅដោយងាយស្រួល។ ហើយកង់របស់វាអាចផ្លាស់ប្តូរទិសបានដោយឯករាជ្យ ដោយផ្អែកលើការបញ្ចូលកម្លាំងរបស់អ្នកប្រើប្រាស់ និងទិន្នន័យរបស់ឧបករណ៍ចាប់សញ្ញាស្វ័យប្រវត្តិ។
ម៉ូទ័រដំណើរការភ្លោះ
ម៉ូទ័រឯករាជ្យចំនួនពីរនៅលើកង់មុខក្រោយ អាចផ្តល់ថាមពលគ្រប់គ្រាន់ដើម្បីឡើងភ្នំ ឬចេញឆ្ងាយពីស្ថានភាពគ្រោះថ្នាក់បាន។ កង់មានប្រព័ន្ឋស្វ័យប្រវត្តិ ដើម្បីឱ្យអ្នកប្រើប្រាស់រួចផុតពីគ្រោះថ្នាក់ ឬណែនាំពួកគេទៅកាន់គោលដៅរបស់ពួកគេដោយមិនអស់កម្លាំងច្រើន។
ទទួលបានបទពិសោធន៍សាមញ្ញ
អេក្រង់រួមបញ្ចូលគ្នានៅលើកង់ ធ្វើឱ្យមានភាពងាយស្រួលក្នុងការដឹកនាំផ្លូវ គ្រប់គ្រង និងកែច្នៃកង់បានតាមចំណងចំណូលចិត្ត។ កម្លាំងដែលអាចចាប់សញ្ញានៅលើដៃកង់ និងកន្លែងដាក់ជើង បានរចនាឡើងចេញពីតួកង់៕