កាលពីថ្ងៃទី៣ ខែមេសាកន្លងទៅនេះ អ្នកចម្រៀង Rapper ជំនាន់ថ្មី លោកទេពពិសិដ្ឋបានចេញផ្សាយវិដេអូថ្មីមួយនៅលើគណនី Tik Tok ផ្លូវការរបស់លោកដែលនេះទើបតែជាវិដេអូទី៤របស់លោកប៉ុណ្ណោះបានចេញផ្សាយកន្លងមក។ នៅលើវិដេអូនេះផងដែរ លោកទេពពិសិដ្ឋបានដាក់អមឡើងជាមួយនឹង Emojiរូបហ្គីតា និងមានបង្ហាញរូបលោកដើរច្រៀងបណ្តើរតាមដងផ្លួវបុរីជាមួយនឹងគ្នីគ្នារបស់លោកពីរនាក់ទៀតនូវបទសង្ក្រាន្តចូលឆ្នាំ ដែលមានម្នាក់ជាអ្នកលេងហ្គីតាផ្ទាល់។ ខណៈជាមួយគ្នានេះផងដែរ លោក Zono អ្នកចម្រៀងរួមផលិតកម្មឯណោះវិញ ក៏ទើបតែបានបញ្ចេញវិដេអូ Tik Tok របស់លោកដូចគ្នាផងដែរកាលពីថ្ងៃទី៤ ខែមេសាកន្លងទៅនេះ ដោយលោកបានភ្ជាប់ជាមួយសារឡើងថា«Let’s Spoil ជាមួយទេពពិសិដ្ឋ Coming Soon»។ នៅក្នុងវិដេអូនេះផងដែរ មានបង្ហាញរូបលោក Zono អង្គុយច្រៀងលេងនៅក្នុងស្ទូឌីអូជាមួយនឹងគូកនរបស់លោកម្នាក់ទៀត និងបន្តមកកាន់លោកទេពពិសិដ្ឋបើកទ្វារដើរចូលមកតាមពីក្រោយ និងច្រៀងរ៉េបបន្តពីលោកយ៉ាងឡូយទាក់ទាញតែម្តង។ យ៉ាងណាមិញយើងនៅមិនទាន់ដឹងនៅឡើយទេថាលោកទេពពិសិដ្ឋគ្រោងនឹងចេញផ្សាយបទចម្រៀងទាំងពីរបទនេះនៅពេលណា ប៉ុន្តែអ្វីដែលអាចរំពឹងបាននោះគឺថាច្បាស់ជាទស្សនិកជនមានក្តីកាន់តែរំភើបហើយបន្ទាប់ពីបានស្តាប់ចំរៀង Highlight របស់លោករួមគ្នាជាមួយនឹងលោក Zono ដូច្នេះមានតែសង្ឃឹមថាឆាប់ៗនេះ បទចម្រៀងថ្មីទាំងពីរបទរបស់លោកនឹងបានចេញផ្សាយព្រមគ្នាទៅចុះដើម្បីកុំអោយទស្សនិកជនទន្ទឹងរង់ចាំយូរ។ ចុះទស្សនិកជនវិញមានការទន្ទឹងរង់ចាំដូចអេដមីនដែររឺទេ? តោះខមមែនប្រាប់អេដមីនម្នាក់មួយផងណា!