កាលពីយប់ម្សិលមិញនេះ បទថ្មីរបស់លោកទេពពិសិដ្ឋបាន Boom ម្តងទៀតហើយនៅលើបណ្តាញសង្គម និងបណ្តា Platform នានា! បទចម្រៀងមួយនេះគឺកំណត់បានឡើងថាជាបទថ្មីមួយពីស្នាដៃរបស់ក្រុម 20 OUT NOW ដែលមានលោក Tep Piseth ជាសមាជិក។
គួរបញ្ជាក់ផងដែរថា បទថ្មីរបស់លោកទេពពិសិដ្ឋមួយបទនេះមានចំណងជើងថា “ឈឺ Too” ដែលជាបទរ៉េបមនោសញ្ចេតនា Slow Slow មួយបទទៀតពីលោកទេពពិសិដ្ឋ ដែលមានលក្ខណៈជា Free Style។ ខណៈដែលមួយបទនេះបានធ្វើអោយបណ្តាអ្នកគាំទ្រលាន់មាត់សរសើរជាច្រើនរំភើបនឹងស្នាដៃពីមួយបទទៅមួយបទពីលោកទេពពិសិដ្ឋ ដែលតែងតែពិរោះ និងមានរសជាតិថ្មីប្លែកជានិច្ច។
គួររំលឹកផងដែរ នៅយប់ថ្ងៃទី០២ ខែវិច្ឆិកា លោកទេពពិសិដ្ឋបាន Surprise ទម្លាក់បទនេះឡើងនៅលើទំព័រហ្វេសប៊ុក Tep Piseth-V9.17 និងឆាណែលយូធូបផ្លូវការរបស់លោក។ ដោយអមជាមួយនឹងខេបសិនខ្លីៗងាយៗនៅខាងលើបទចម្រៀងនោះថា «This is my gift for my fans. Thank you for 70K subscribers.»។
ស្របពេលដែលលោកទេពពិសិដ្ឋបានធ្វើដំណើរមកដល់កំរិតមួយដ៏អស្ចារ្យ កាលពីពេលថ្មីៗនេះ ក៏សង្កេតឃើញថាលោកទើបតែបានបញ្ចេញនូវ Hashtag ថ្មីមួយនៅក្រោមការបង្ហោះនានារបស់លោក ដែលសរសេរឡើងថា MCT។ ប៉ុន្តែយ៉ាងណាវិញនោះ គឺនៅមិនទាន់ដឹងនៅឡើយទេថា ពាក្យពេញនៃ Hashtag មួយនេះគឺមានអត្ថន័យយ៉ាងណា។ ប៉ុន្តែនៅលើ Bio របស់លោកបានសរសេរឡើងនូវ Quote ថា Money Never Cheat។ តើទាំងពីរនេះអាចមានទំនាក់ទំនងគ្នាដែររឺទេ?