កាលពីថ្ងៃទី៣ ខែមីនាកន្លងទៅនេះ ក្រុមហ៊ុនចំរៀងហង្សមាសបានធ្វើការចេញផ្សាយវិដេអូសម្តែងរបស់លោកទេពពិសិដ្ឋនៅក្នុងការប្រគំតន្រ្តី Ichitan Concert ២០២៣ នៅលើឆាណែលយូធូបផ្លូវការរបស់ពួកគេដែលមានឈ្មោះថា Hang Meas HDTV។ ដោយនៅក្នុងផងដែរលោកទេពពិសិដ្ឋបានលើកយកបទចំរៀងរ៉េបមនោសញ្ចេតនាចង្វាក់ហ៊ីបហប់មួយបទរបស់លោកមកសម្តែងដែលមានចំណងជើងថា«អូនមកពីណា»។ គួរបញ្ជាក់ផងដែរថាបទចំរៀង«អូនមកពីណា» របស់លោកមួយនេះទើបតែបានចេញផ្សាយកាលពី២ខែកន្លងទៅនេះទេនៅក្នុងថ្ងៃ Count Down ចូលឆ្នាំ២០២៣ តែម្តង។ យ៉ាងណាមិញផងដែរបន្ទាប់ពីការចេញផ្សាយបទចំរៀងបន្ទាប់របស់លោក«Money»ក្នុងឆ្នាំថ្មីនេះកាលពី២សប្តាហ៍កន្លងទៅ យោងទៅតាមគណនីហ្វេសប៊ុកផ្លូវការរបស់លោកបានអោយដឹងថាលោកមិនមានគំរោងចេញផ្សាយបទចម្រៀងសំរាប់សង្ក្រាន្តឆ្នាំថ្មីខាងមុខនេះទេ។ ប៉ុន្តែជំនួសមកវិញលោកនឹងធ្វើការចេញផ្សាយបទចម្រៀងសង្ក្រាន្តចូលឆ្នាំជាលក្ខណៈ Soundtrack វិញសំរាប់ជាកាដូទុកចែកជូនដល់បណ្តាបងប្អូនអ្នកគាំទ្រទាំងអស់គ្នាក្នុងឳកាសបុណ្យចូលឆ្នាំខ្មែរនេះ។ កន្លងមកលោកទេពពិសិដ្ឋក៏បានធ្លាប់បង្ហើបនូវ Soundtrack នេះខ្លះៗរួចមកហើយតាមរយៈវិដេអូStoryខ្លីៗរបស់លោកនៅលើបណ្តាញសង្គម យ៉ាងណាមិញផងដែរលោកក៏បានបញ្ចេញអោយដឹងថា Full Soundtrack នឹងអាចបញ្ចេញឆាប់ៗនៅពេលខាងមុខផងដែរ។ តើទស្សនិកជនចង់ស្តាប់ Full Soundtrack របស់លោកកម្រិតណា? អាចធ្វើការខមមែននៅខាងក្រោមនេះទាំងអស់គ្នា!