កាលពីថ្ងៃទី៦ ខែមេសាកន្លងទៅនេះ មានវត្តមានសិល្បករហ៊ីបហប់ល្បីៗគួរអោយកត់សម្គាល់មួយចំនួនបានឡើងសម្តែងនៅក្នុងប្រគំតន្រ្តី Ganzberg Uber Concert ដែលបានផ្សាយបន្តផ្ទាល់នៅលើប៉ុសិ៍្តទូរទស្សន៍ហង្សមាស HD TV។ នៅក្នុងនោះផងដែរ ជាក់ស្តែងសង្កេតឃើញថារួមមានលោកទេពពិសិដ្ឋ លោក MC Bull និងលោក Vid Cooler ផងដែរដែលបានឡើងសម្តែងច្រៀងរ៉េបផ្ទាល់នៅលើវេទិកាតែម្តងធ្វើអោយការសម្តែងរបស់ពួកលោកកាន់តែគួរអោយចាប់អារម្មណ៍។ រីឯមហាជននៅលើបណ្តាញសង្គម Tik Tok ក៏បានធ្វើការចែករំលែកវិដេអូរបស់ពួកគេ និងបានលាន់មាត់សរសើរពីសមត្ថភាពរ៉េបផ្ទាល់របស់សិល្បករយើងថាការច្រៀងរបស់ពួកគេពិតជាធ្វើបានល្អ។ ដោយការប្រគំតន្រ្តីបានចាប់ផ្តើមដោយលោក MC Bull ឡើងសម្តែងបទ«សុំទោសខ្លួនឯង» របស់លោក និងបន្តមកសម្តែងរួមគ្នាជាមយនឹងលោក Vid Cooler នូវ៤បទបន្តទៀតរួមមានបទ«បេះដូងមួយនេះត្រូវការអូន», បទ«សម្បកក្រៅ», បទចាស់ដ៏ល្បីរបស់លោក«សិល្បៈគុណខ្មែរ» និងចុងក្រោយគឺបទ«ច្របាច់ក»។ រីឯលោកទេពពិសិដ្ឋវិញបានឡើងសម្តែងជាតារាកិត្តិយសនៅវគ្គទី៣ បន្តពីកញ្ញាប៉ាច គីមមួយ និងបានសម្តែងនូវបទរបស់លោករួមមាន«ទេពអប្សរបន្លំ», «អូនមកពីណា» និងបទ«Money»។ នៅចុងបញ្ចប់វគ្គ លោកទេពពិសិដ្ឋក៏បានច្រៀងរ៉េបគោកនូវបទសង្ក្រាន្តរបស់លោកថែមទៀតនៅលើវេទិកាតាមការស្នើរសុំរបស់ពិធីករទាំងពីរ ហើយលោកក៏បានបង្ហាញចំណាប់អារម្មណ៍ថាការរ៉េបកើតចេញពីក្តីស្រលាញ់របស់លោក ចំណែកការច្រៀងគឺជាការស្រលាញ់របស់ឪពុកលោក ដូចនេះលោកចង់ចាប់យកទាំងពីរនេះដើម្បីសំរេចបំណងប្រាថ្នាទាំងសងខាង ដោយមានគ្រួសារលោកជាអ្នកជំរុញទឹកចិត្តផងដែរ។ តើទស្សនិកជនបានទស្សនាការសម្តែងរបស់ពួកគេទាំង៣អ្នកនៅលើផេកផ្សាយបន្តផ្ទាល់របស់ Beer Ganzberg ហើយរឺនៅ? តោះកុំភ្លេចទស្សនាទាំងអស់គ្នា!