កាលពីថ្ងៃទី១១ ខែឧសភាកន្លងទៅនេះ តារារ៉េបជំនាន់ថ្មី រហ័សនាម “Toxic King” លោកទេពពិសិដ្ឋបានធ្វើការ Surprise drop បទថ្មីប្រភេទមនោសញ្ចេតនាមួយបទមានចំណងជើងថា«Leave Me Alone»នៅលើឆាណែលយូធូបផ្លូវការរបស់លោកផ្ទាល់ហៅថា Tep Piseth។ គួររំលឹកផងដែរថានៅក្នុងពេលជាមួយគ្នានោះ លោកទេពពិសិដ្ឋក៏បានធ្វើការទាញយកបទចម្រៀងរបស់លោកពីក្នុងយូធូបនោះមកចែករំលែកបន្តនៅលើគណនីហ្វេសប៊ុករបស់លោក ដោយគួរអោយកត់សម្គាល់ផងដែរក្រោយមកលោកក៏បានធ្វើការលុបវិញពីលើហ្វេសប៊ុករបស់លោក។ សង្កេតឃើញថានៅលើបទចម្រៀងថ្មីរបស់លោក«Leave Me Alone» នេះ លោកទេពពិសិដ្ឋបានបង្ហាញឡើងជាមួយនឹង Cover បទចម្រៀងរំលេចនូវតួអក្សរ V9.17 លើផ្ទៃពណ៌សយ៉ាងគួរអោយចាប់អារម្មណ៍ ចំណែកនៅក្នុងវិដេអូចម្រៀងវិញមានបង្ហាញរូបលោកទេពពិសិដ្ឋឈរនៅក្នុងទឹកមុខក្រៀមក្រំយ៉ាងសក្តិសមស៊ីទៅនឹងបទចម្រៀង។ យ៉ាងណាផងដែរ គួររំលឹកថាការពិតទៅអត្ថន័យនៅពីក្រោយតួអក្សរ V9.17 ដែលលោកទេពពិសិដ្ឋតែងតែប្រើញឹកញាប់សំដៅពីខ្លួនរបស់លោក មិនថាឡើយនៅលើ Bio ផងដែរនោះ គឺការពិតទៅមានទំនាក់ទំនងនឹងថ្ងៃខែកំណើតរបស់លោក នៅថ្ងៃទី១៧ ខែកញ្ញានោះឯង ដែលជាស្រាយបង្ហាញឡើងទៅដូចជា វ៉ុលចំរៀងវិញ។ មិនតែប៉ុណ្ណោះអ្វីដែលគួរអោយចាប់អារម្មណ៍ផងដែរ លោកទេពពិសិដ្ឋបានសរសេរឡើងនូវខេបសិនចម្រៀងនោះថាជា Leave Me Alone (Freestyle v9.17) ដែលបង្ហាញឡើងហាក់ដូចជាបទចម្រៀងនេះលោកបានច្រៀងរៀបរាប់ពីខ្លួនឯងយ៉ាងខ្លាំង និងឯកជនបំផុត។ លោកទេពពិសិដ្ឋបានច្រៀងរៀបរាប់បង្ហាញពីអារម្មណ៍របស់លោកថា«Mmm Leave me here alone បេីអូនអស់អារម្មណ៍នឹងបង So Leave me here alone» ពោរពេញដោយអារម្មណ៍ជ្រាលជ្រៅខ្លាំងណាស់? ចុះទស្សនិកជនវិញយល់ឃើញយ៉ាងណាដែរ?
