នៅទីបំផុតបទដែលកំពុងផ្ទុះរបស់លោកទេពពិសិដ្ឋ“20’OUTNOW”ត្រូវបានចេញផ្សាយជាផ្លូវការហើយនៅលើយូធូបឆាណែលកាលពីយប់ថ្ងៃទី២៣​​​ ខែសីហាកន្លងទៅនេះ។ រួមជាមួយនឹងគ្នានេះដែរ លោកទេពពិសិដ្ឋក៏បានធ្វើការចែករំលែកដំណឹងនេះដោយផ្ទាល់នៅលើ Story Facebook និង Instagram របស់លោក។

បទរ៉េបប្រភេទបរិយាកាសក្នុងClub ដែលចូលរួមបកស្រាយដោយRapperទាំង៤នាក់រួមគ្នានេះ ត្រូវបានលោកទេពពិសិដ្ឋទម្លាយអោយដឹងថា មានសមាជិកទាំងបីរូបទៀតរួមមាន លោក Ricky លោក Channty និងលោក NPN។ តាមរយៈការបង្ហាញនៅលើយូធូបក៏បានអោយដឹងទៀតថា​​​ លោកទេពពិសិដ្ឋក៏បាន Give Credit ​​​បទចម្រៀងមួយនេះទៅកាន់ក្រុម 20’ Out Now ផងដែរ។ 

យ៉ាងណាមិញកត់សម្គាល់ឃើញថាសមាជិកដទៃទៀតដែលបានចូលរួមបកស្រាយបទចម្រៀងមួយនេះ ក៏បានចូលរួមធ្វើការចែកលែកពីបទចម្រៀងមួយនេះផងដែរ។ ដូចជាលោក NPN បានសរសេររៀបរាប់ឡើងនៅលើទំព័រហ្វេសប៊ុករបស់លោកថា«តោះទៅភ្លក់ជាមួយរសជាតិថ្មីរបស់ខ្ញុំមួយបទទៀត កុំភ្លេចចូលទៅស្តាប់កំសាន្តជាមួយបទចម្រៀងរបស់ពួកយើងផង»។ 

ខណៈដែលលោក Ricky និងលោក Channty ក៏បានបង្ហោះវិដេអូបង្ហាញពីសកម្មភាពក្នុងក្លឹបដែលកំពុងចាក់បទចម្រៀងនេះឡើងនៅលើគណនី​​​ Tik Tok របស់ពួកលោកទាំងពីរ។ តើទស្សនិកជនយល់ឃើញយ៉ាងណាដែរចំំពោះបទចម្រៀងនេះរបស់អ្នកទាំង៤?