កាលពីថ្ងៃទី០៤ ខែកញ្ញាកន្លងទៅនេះ មានការបែកធ្លាយឡើងនូវបទចម្រៀងថ្មីមួយទៀតរបស់លោកទេពពិសិដ្ឋយ៉ាងផ្ទួនៗគ្នាបន្ទាប់ពីបទថ្មី«20’OUTNOW»រប​​​ស់លោកទើបតែបានចេញផ្សាយប៉ុន្មានថ្ងៃកន្លងមកនេះ។ គួរបញ្ជាក់ផងដែរថា បទចម្រៀងថ្មីដែលត្រូវបានបង្ហើបឡើងអោយដឹងនេះ មានចំណងជើងថា «ទ្រឺតទ្រឺត» និងត្រូវបានបញ្ចេញឡើងពីប្រភពព័ត៌មានបែកធ្លាយមួយរបស់ Bro Lin ដែលជាអ្នកធ្វើ Reaction វិដេអូ។

Bro Lin បានបញ្ចេញបទចម្រៀងបែកធ្លាយនេះឡើងទាំងនៅលើឆាណែលយូធូបផ្លូវការរបស់លោក និងទាំងនៅលើគណនី Tik Tok ដែលមានឈ្មោះដូចគ្នានេះថា BRO LIN’S REACTIONS និងទទួលបានការចាប់អារម្មណ៍ជាច្រើនពីបណ្តាទស្សនិកជន។ 

នៅលើឆាណែលយូធូបរបស់លោក លោក Lin បានភ្ជាប់ជាមួយនឹងខេបសិន Title ច្បាស់ៗយ៉ាងគួរអោយចាប់អារម្មណ៍ថា«បទថ្មីទៀតហើយ-ទ្រឺតទ្រឺត TEP-PISETH V9.17 ម៉ាអ៊ែមទៀតហើយ»។ ជាងនេះទៅទៀតផងដែរ លោកក៏បានធ្វើ Cover បទចម្រៀងភ្ជាប់ជាមួយ Thumbnail មានឈ្មោះចំណងជើងបទចម្រៀងផងដែរ។ 

ទោះជាយ៉ាងនេះក្តី យើងនៅមិនទាន់បានដឹងលំអិតនោះទេថា លោកទេពពិសិដ្ឋនឹងមានគំរោងចេញផ្សាយបទចម្រៀងនេះនៅពេលណា ហើយតើវាជាបទចម្រៀងដែលធ្វើឡើងដោយក្រុមស្ទូឌីអូផលិតតន្រ្តី 20’OUTNOW មួយបទទៀតរឺយ៉ាងណា។ ចុះទស្សនិកជនយល់ឃើញយ៉ាងណាដែរសំរាប់បទថ្មី«ទ្រឺតទ្រឺត» របស់លោកទេពពិសិដ្ឋមួយបទនេះ?