បង្វែរចំណាប់អារម្មណ៍ទស្សនិកជនទៅកាន់លោកទេពពិសិដ្ឋវិញម្តង ខណៈដែលកាលពីពេលថ្មីៗនេះ លោកទេពពិសិដ្ឋទើបតែសំរេចចិត្តបកស្រោមបញ្ចេញខ្លួនគូស្នេហ៍សំណព្វបេះដូងរបស់លោកជាសាធារណៈ ខាងបណ្តាអ្នកគាំទ្ររបស់លោកពិតជាមានសេចក្តីត្រេកអររំភើបរីករាយខ្លាំងមែនទែននឹងជីវិត«Pink Pink» របស់អាយដលពួកគេ។

យ៉ាងណាមិញមិត្តស្រីដ៏ស្រស់ស្អាតរបស់លោកទេពពិសិដ្ឋក៏ទើបតែឈានជើងចូលក្លាយជាចំនុចទាក់ទាញនិងជាទីចំណាប់អារម្មណ៍នៃពិភព Superstar ផងដែរ។ មិត្តស្រីយ៉ាងអនាមិកដែលកាន់គណនី Facebook «Mey» និងគណនី Instagram «lismeymeyy» ជាមួយ Nick name ហៅថា Kate បានបង្ហោះរូបនាងមានចំនួនតិចតួចប៉ុណ្ណោះនៅលើគណនី ដែលធ្វើអោយទស្សនិកជនយល់ឃើញថានាងពិតជា Private និងអាថ៌កំបាំងខ្លាំងណាស់។​​​ 

ចំណែកជីវិតលោកទេពពិសិដ្ឋហាក់ដូចជាកាន់តែស្រស់បំព្រងនៅមួយខណៈ ដោយឃើញការចែករំលែក Story ស្វីតៗ និងការបង្ហោះមួយចំនួនរបស់លោកជាមួយគូស្នេហ៍យ៉ាងមានក្តីសុខតាមតែម្តងហើយ។ 

ទន្ទឹងនឹងនេះផងដែរ ក្រោយពេលចែករំលែក Personal life ជាមួយសាធារណជនរួចហើយ នៅប៉ុន្មានថ្ងៃបន្ទាប់មកលោកទេពពិសិដ្ឋក៏បានបញ្ចេញស្នាដៃបទចម្រៀងថ្មីរបស់ខ្លួនក្រោមចំណងជើងថា«ចាប់ក្តីស្រម៉ៃ»នៅលើឆាណែលយូធូបផ្លូវការរបស់លោកកាលពីថ្ងៃទី២៦ ខែកក្កដាកន្លងទៅនេះ។ បទ«ចាប់ក្តីស្រម៉ៃ» ជាប្រភេទបទរ៉េបបែបរសជាតិជីវិតថ្មីមួយទៀតរបស់លោកផងដែរ ដែលជាស្នាដៃទី៩នៅក្នុងអាល់ប៊ុម V9.17 របស់លោក។ ចុះទស្សនិកជនយល់ឃើញយ៉ាងណាដែរចំពោះការ Update រឿងរ៉ាវរបស់ Superstar របស់យើង?