ក្រោយពីសំរាកមួយរយៈនៅក្នុងដំណើរពរពោះកូនដំបូងរបស់អ្នកនាងទេពបូព្រឹក្ស កាលពីពេលថ្មីៗនេះអ្នកនាងទើបតែបញ្ចប់រៀបចំកម្មវិធីទស្សន៍ទាយភេទកូនរបស់នាងនៅក្នុង Boy or Girl Party និងបន្ទាប់មកក៏បានធ្វើការបញ្ចេញ Teaser បទចម្រៀង «Goddess» របស់ខ្លួនភ្លាមៗជាចំណងដៃពិសេសកាលពីថ្ងៃទី២៨ ខែមករាកន្លងទៅនេះ។ គួរបញ្ជាក់ផងដែរនេះគឺជាបទចម្រៀងដំបូងរបស់នាងហើយបន្ទាប់ពីបទ​«OneMore»ដែលបានចេញផ្សាយកាលពីរយៈពេលប្រាំខែកន្លងមកនេះ។កត់សម្គាល់ឃើញថាខណៈពេលដែលTeaser បទចម្រៀង«Goddess»បានបញ្ចេញរួចមក លោកជីដេវីតក៏បានបញ្ចេញ​ Teaser បទ«LifeTale»របស់លោកតាមពីក្រោយផងដែរនិងធ្វើការទំលាក់បទចម្រៀងពេញភ្លាមៗនៅក្នុងថ្ងៃតែមួយ។ ខណៈដែលនៅមិនទាន់ដឹងនៅឡើយពីកាលបរិច្ឆេទបទចម្រៀង«Goddess» នឹងទំលាក់ជាផ្លូវការនៅពេលណា ប៉ុន្តែសាធារណជនហាក់ដូចជាមានការទន្ទឹងរង់ចាំខ្លាំងដោយបានទាក់ចិត្តទៅលើTeaserនោះតែម្តង។

តាមរយៈវិដេអូTeaserចម្រៀង២០វិនាទីនោះមានបង្ហាញការរៀបចំឈុតឆាកថតុម៉ូតសំលៀកបំពាក់និងការកាត់តវិដេអូប្រកបដោយភាពច្នៃប្រឌិតនិងបច្ចេកទេសខ្ពស់ អាចប៉ាន់ស្មានថាខ្ទង់ចំណាយក៏មិនតិចនោះដែរ។ អ្វីកាន់តែពិសេសទស្សនិកជនកំពុងចាប់អារម្មណ៍ខនសិបនៃបទចម្រៀងនោះតែម្តងដោយមានអ្នកនាងទេពបូព្រឹក្សគ្រងក្នុងសំលៀកបំពាក់ជាអាទិទេពប្លែកៗជាមួយនឹងសាច់ភ្លេងហាក់បង្កប់នូវអត្ថន័យអ្វីម្យ៉ាងដែលគ្រប់គ្នាកំពុងចង់ដឹង។  អ្នកនាងទេពបូព្រឹក្សបានសរសេររៀបរាប់នៅខាងលើការបង្ហោះនៃវិដេអូ Teaser រយៈពេល២០វិនាទីនោះឡើងថា «ខ្ញុំគឺជាស្រមោល ខ្ញុំគឺជាបំណងប្រាថ្នា ជូនដល់ស្រ្តីគ្រប់រូប អោយល្អដូចទេពអប្សរា។» ចង់ដឹងថាបទចម្រៀងពេញមានអត្ថន័យយ៉ាងណា កុំភ្លេចរង់ចាំទស្សនាទាំងអស់គ្នាជាមួយអេដមីនណា!