កាលពីយប់ថ្ងៃសៅរ៍ ទី២៤ ខែមិថុនាកន្លងទៅនេះ​​​ អ្នកនាងទេពបូព្រឹក្សបាន Surprise ទំលាក់ Poster បទចម្រៀង«ទេវរាជ» ដោយបានភ្ជាប់ជាមួយនឹងខេបសិនថា«ទេវរាជ លើកដៃប្រណមក្រាបថ្វាយបង្គំ សូមបារមីខ្មែរសម័យនគរភ្នំ យើងនៅតែខ្លាំងពូជអ្នកចម្បាំងសូម្បីតែខ្មាំងនៅតែខ្ចីតួអក្សរ…Coming Soon» ដែលទំនងជាការប្រកាសចេញផ្សាយ M/V នៃបទចម្រៀងមួយនេះនៅក្នុងពេលឆាប់ៗ។ 

ជាមួយគ្នានេះផងដែរ នៅក្នុងពេលភ្លាមៗនោះ លោកជីដេវីតក៏បានបង្ហាញការជួយគាំទ្រយ៉ាងពេញទំហឹងដល់អ្នកទេពបូព្រឹក្សាតាមរយៈការចែករំលែកបន្តការបង្ហោះរបស់អ្នកនាង ដោយភ្ជាប់ជាមួយនឹងខេបសិនថា«ពួកយើងមានរឿងត្រូវនិយាយគ្នាទៀតហើយ» ព្រមជាមួយនឹង Emoji រូបបេះដូង។ 

កត់សម្គាល់ផងដែរថាបទ«ទេវរាជ» គឺជាបទដែលអ្នកនាងទេពបូព្រឹក្សធ្លាប់បានលើកទៅសម្តែងជាពិសេសនៅក្នុងកម្មវិធី TBP Fan Party កាលពីថ្ងៃទី១៤ ខែសីហា ឆ្នាំ២០២២កន្លងទៅនេះ។ ម្យ៉ាងទៀតក៏ធ្លាប់បានអ្នកនាងទេពបូព្រឹក្សបញ្ជាក់រួចមកហើយថានឹងមានគំរោងចេញផ្សាយបន្ទាប់ពី M/V បទ«Goddess» របស់អ្នកនាងផងដែរ។ 

ខណៈជាមួយគ្នានេះផងដែរ កាលពីថ្ងៃអាទិត្យទី២៥ ខែមិថុនាកន្លងទៅនេះ លោកជីដេវីតក៏ទើបតែបញ្ចេញស្តេធឺសមួយឡើងថា«ដេកសុខៗ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ចង់អោយ Sting Cambodia ធ្វើ Fan Meeting អោយ (Emojiដៃបេះដូង)»។ តើលោកជីដេវីតអាចនឹងមានអ្វីពិសេសដែររឺទេ ភ្ជាប់ជាមួយនឹង Fan Meeting នេះ?តើជាបទ«មហានគរ»របស់លោក រឺជាបទ«ទេវរាជ» របស់អ្នកនាងទេពបូព្រឹក្សដែលនឹងត្រូវលើកឡើងតាមរយៈកម្មវិធីនេះ?