មិនថាកាលវិភាគមមាញឹកយ៉ាងណាក៏ដោយ លោកជីដេវីត និងអ្នកនាងទេពបូព្រឹក្សនៅតែអាចបន្ថែមគូល័រជីវិតបានដោយពណ៌ Pink Pink នៅក្នុងសកម្មភាពដ៏សកម្មប្រចាំថ្ងៃ! ជាក់ស្តែងអ្នកនាងទេពបូព្រឹក្សទើបតែបានបញ្ចប់ការប្រគំតន្រ្តីដ៏ធំមួយកន្លងផុតទៅមិនដល់២ថ្ងៃផង លោកជីដេវីតក៏បានរៀបជើងព្រួលថ្មីមួយទៀតហើយជាមួយនឹងអ្នកនាងទេពបូព្រឹក្សក្នុងដំណើរកំសាន្តទៅកាន់ទ្វីបអឺរ៉ុបម្តងទៀត!

គួររំលឹកផងដែរថា កាលពីថ្ងៃទី១៦ ខែកញ្ញាកន្លងទៅនេះ អ្នកនាងទេពបូព្រឹក្សបានមានការសម្តែងការប្រគំតន្រ្តីដ៏ធំប្លែក និងអស្ចារ្យមួយហៅថា NEW ERA The Concert ដែលជាការប្រគំតន្រ្តី Concept បែបព្យុះទឹកកក ជាការ Come Back ថ្មីមួយសម្រាប់អ្នកនាងទេពបូព្រឹក្ស។ 

ផ្សារភ្ជាប់ជាមួយនឹង Concept ប្រកាសប្រាប់ពីការវិលត្រលប់របស់អ្នកនាងទេពបូព្រឹក្សនេះផងដែរ ក៏មានរួមបញ្ចូលជាមួយនឹងការប្រកាសប្រាប់ដំណឹងពីសមិទ្ធផលធំៗទាំង៣​​​ រួមមាន New Album, CONCERT និងការក្លាយជាទូតសុច្ឆន្ទៈផ្លូវការរបស់ភេសជ្ជៈប៉ូវកម្លាំងគ្រុឌ និងភេសជ្ជៈវីឥអាកទីវរបស់អ្នកនាងទេពបូព្រឹក្សផងដែរ។ 

ខណៈដែលកាលពីថ្ងៃទី១៨ ខែកញ្ញាកន្លងទៅនេះ អ្នកនាងទេពបូព្រឹក្ស និងលោកជីដេវីតក៏បានបញ្ចេញរូបភាព Couple ស្វីតៗនៅលើយន្តហោះទាំងពីរនាក់តែម្តងនៅលើStory គណនី IG និងហ្វេសប៊ុករបស់ពួកគេប្រាប់ពីការចាកចេញដំណើរកំសាន្តថ្មីមួយទៀតហើយ ដែលកាលពី៤ខែមុនពួកគេទើបតែបានធ្វើដំណើរកំសាន្តឆ្លងទ្វីបដែរប៉ុណ្ណោះ។

បន្ថែមពីលើនេះ លោកជីដេវីតក៏បានភ្ជាប់ជាមួយនឹងខេបសិនខ្លីប្រកបដោយអត្ថន័យពីលើរូបភាព Story របស់លោកដោយក្តីមោទនភាពឡើងថា«កូនខ្មែរអស្ចារ្យមែន» ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​សម្រាប់ជាសារផ្ញើរទៅកាន់បណ្តាអ្នកគាំទ្រជាស្រលាញ់របស់លោក។ ចុះចំណែកទស្សនិកជនវិញ តើក្នុងដំណើរកំសាន្តលើកនេះគិតថាពួកគេនឹងយក Albert ទៅជាមួយដែររឺទេ?