ម្ចាស់បទ Love is Singular លោកថេណា បានធ្វើអោយអ្នកគាំទ្រជាច្រើនរបស់លោកមានការ Surprise ដោយសារតែលោកបានស្ងាត់មួយរយៈ រួចហើយក៏ប្រកាសចេញបទចម្រៀងថ្មីតែម្តងនៅថ្ងៃសៅរ៍នេះ។

តាមរយៈការផុសអបជាមួយរូបភាព Poster និង Teaser របស់ MV បទថ្មីនេះ បានធ្វើអោយមានការចាក់ដោតអារម្មណ៏យ៉ាងខ្លាំងចំពោះមិត្តៗយុវវ័យ​ ដោយគ្រាន់តែបានស្តាប់នៅទំនុបភ្លេងខ្លះៗ និងឃ្លាមួយចំនួនក្នុងបទនេះក៏ធ្វើអោយអ្នកគាំទ្ររបស់លោកទន្ទង់រង់ចាំស្តាប់បទចម្រៀងថ្មីនេះបាត់ទៅហើយ។ មិនតែប៉ុណ្ណោះបទថ្មីនេះក៏នឹងមានការចូលរួមច្រៀងពីកំពូលតារាចម្រៀង original ដែលទទួលបានការគាំទ្រយ៉ាងខ្លាំងពីសំណាក់មហាជននោះគឺលោក Van Chesda និង កំលោះសង្ហា Glomyy Vincent ។

ទោះជាបទចម្រៀងនេះនឹងចេញជាផ្លូវការនៅប៉ុន្មានថ្ងៃខាងមុខនេះ យ៉ាងណាមិញ អ្នកគាំទ្រជាច្រើនរបស់លោក ពិតជាមានការរំពឹងយ៉ាងមុតមាំថា បទនេះនឹងទទួលបានការគាំទ្រយ៉ាងច្រើនពីសំណាក់ទស្សនិកជនគ្រប់មជ្ឈដ្ឋាន ពីព្រោះបទចម្រៀងថ្មីក្រោមចំណាងជើងថា ស្ទាវខេត្តនេះសុទ្ធសឹងតែមានការចូលរួមជាមួយតារាចម្រៀងប្រុសល្បីៗ រហូតដល់ទៅ ៣នាក់ឯណោះ និងមានអត្ថន័យចាក់ដោតមិត្តៗយុវវ័យ ដែលធ្លាប់ឆ្លងកាត់សាច់រឿងបែបលក្ខណៈបញ្ឈប់ក្តីស្រឡាញ់ទៅកាន់មនុស្សដែលយើងគិតថាមិនសាកសមនឹងគ្នាតទៅមុខ។

ចង់ដឹងថាបទចម្រៀងនេះ នឹងមានការនិយមចូលចិត្តច្រើនដូចជា បទមុនៗរបស់លោកថេណាឬអត់? កុំភ្លេចតាមដានទស្សនាទាំងអស់គ្នានៅថ្ងៃសៅរ៍ ទី១៥ ខែមករា​ ខាងមុខនេះ នៅលើ Channel YouTube ផ្លូវការរបស់លោក៕